Satvya Mulichi Satavi Mulgi : 'सातव्या मुलीची सातवी मुलगी' मालिका रोमँटिक वळणावर; अद्वैत आणि नेत्राच्या प्रिवेडिंग फोटोशूटचे फोटो व्हायरल

Satvya Mulichi Satavi Mulgi : 'सातव्या मुलीची सातवी मुलगी' या मालिकेचा एक तासाचा विशेष भाग रंगणार आहे.

Satvya Mulichi Satavi Mulgi

Satvya Mulichi Satavi Mulgi : 'सातव्या मुलीची सातवी मुलगी' (Satvya Mulichi Satavi Mulgi) ही छोट्या पडद्यावरील लोकप्रिय मालिका आहे. अल्पावधीतच ही मालिका प्रेक्षकांच्या पसंतीस उतरली आहे. आता ही मालिका रोमँटिक वळणावर आली आहे. अद्वैत आणि नेत्राच्या प्रिवेडिंग फोटोशूटचे फोटो सध्या सोशल मीडियावर व्हायरल होत आहेत.

'सातव्या मुलीची सातवी मुलगी' मालिकेचा रंगणार एक तासाचा विशेष भाग

'सातव्या मुलीची सातवी मुलगी' या मालिकेचा एक तासाचा विशेष भाग रंगणार आहे. कर्तव्याच्या जागी आता प्रेम असेल, नेत्राच्या निर्णयापुढे नियतीलाही झुकावं लागेल, असं म्हणत या मालिकेचा प्रोमो आऊट करण्यात आला आहे. 'सातव्या मुलीची सातवी मुलगी' या मालिकेचा एक तासाचा विशेष भाग 25 जून रोजी संध्याकाळी आठ वाजता पार पडणार आहे. 

'सातव्या मुलीची सातवी मुलगी' मालिकेत सध्या अद्वैत  आणि नेत्राच्या लग्नाची जोरदार तयारी सुरू आहे. पण त्यामागेही सर्वात मोठं रहस्य दडलेलं आहे. अद्वैत -नेत्राचं लग्न ठरल्यापासून रहस्यमय घटना घडत आहेत. त्यामुळे राजाध्यक्ष कुटुंबातील सगळेच आश्चर्यचकीत झाले आहेत. पण तरीही अद्वैत-नेत्राच्या लग्नाविषयीचा त्यांचा उत्साह तसूभरही कमी झालेला नाही. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Marathi (@zeemarathiofficial)

'सातव्या मुलीची सातवी मुलगी' मालिकेत प्रेक्षकांना आता अद्वैत-नेत्राचं प्रिवेडिंग फोटोशूट पहायला मिळणार आहे. त्यातही एक रहस्यमय घटना घडणार आहे. तेजस, तन्मय, फाल्गुनी आणि केतकी यांच्या पुढाकाराने अद्वैत-नेत्रा प्रिवेडिंग फोटोशूट करायला तयार होतात. नेत्राला प्रिवेडिंग फोटोशूट म्हणजे कायहेही माहित नाही, पण अद्वैत तिला प्रेमाने सगळं समजावतो. त्या दोघांना एकमेकांच्या प्रेमात असलेलं पाहताना प्रेक्षकांना मात्र आनंद होत आहे. त्यावरून दोघांना चिडवलंही जात आहे. 

नेत्रा आणि अद्वैत मात्र लग्नाच्या प्रवासातील हे सारे क्षण मनसोक्त अनुभवत आहेत. मालिकत लवकरच नेत्रा अद्वैतसाठी महत्त्वपूर्ण निर्णय घेणार आहे. नेत्राच्या या निर्णयामुळे नियतीला झुकावं लागणार आहे. हे येत्या महाएपिसोडमध्ये प्रेक्षकांना पाहायला मिळणार आहे. ‘सातव्या मुलीची सातवी मुलगी’ या मालिकेचा हा विशेष भाग प्रेक्षक 23 जून रात्री 10:30 वा. झी मराठी पाहू शकतात. 

संबंधित बातम्या