Sara Kahi Tichyasathi : 'सारं काही तिच्यासाठी' मालिकेबाबत झी मराठीचा मोठा निर्णय; दिली मोठी अपडेट
Sara Kahi Tichyasathi : सध्या लोकप्रिय असणाऱ्या सारं काही तिच्यासाठी या मालिकेच्या वेळेत आता नवी मालिका सुरू होणार आहे.
Sara Kahi Tichyasathi : छोट्या पडद्यावर (Small Screen) सध्या टीआरपीसाठी चांगलीच स्पर्धा असल्याचे दिसून येत आहे. त्यामुळेच टीव्ही चॅनेल्स आता आक्रमक रणनीती आखत असल्याचे दिसत आहे. टीआरपीमध्ये (TRP) पहिले स्थान मिळवण्यासाठी झी मराठीकडून आता नव्या मालिका सुरू करण्यात येत असून सध्या सुरू असलेल्या मालिकांबाबत मोठा निर्णय घेण्यात आला आहे. सध्या लोकप्रिय असणाऱ्या 'सारं काही तिच्यासाठी' (Sara Kahi Tichyasathi) या मालिकेच्या वेळेत आता नवी मालिका सुरू होणार आहे. तर, सारं काही तिच्यासाठीच्या वेळेबाबत 'झी मराठी'ने मोठा निर्णय घेतला.
काही दिवसांपूर्वीच 'झी मराठी'ने ‘पारू’ आणि ‘शिवा’ या दोन नव्या मालिकांची घोषणा केली होती. या दोन्ही मालिका येत्या 12 फेब्रुवारीपासून सुरू होणार आहेत. त्यामुळे या मालिका सुरू होताना सध्या सुरू असलेल्या मालिकांचे काय होणार, असा प्रश्न प्रेक्षकांना पडला होता. आता झी मराठीने काही अपडेट्स दिले आहेत. सारं काही तिच्यासाठी या मालिकेच्या वेळी आता पारो ही मालिका प्रेक्षकांच्या भेटीला येणार आहेत. अभिनेत्री शरयू सोनावणे आणि अभिनेता प्रसाद जवादे यांची मुख्य भूमिका असलेली ‘पारु’ मालिका संध्याकाळी 7.30 वाजता प्रसारित केली जाणार आहे.
'सारं काही तिच्या'साठी मालिकेचे काय होणार?
‘सारं काही तिच्यासाठी’ ही मालिका संध्याकाळी 7.30 वाजता प्रसारीत केली जाते. परंतु, 'पारो' या नव्या मालिकेमुळे झी मराठीने 12 फेब्रुवारीपासून या मालिकेची वेळ बदलली आहे. आता खुशबू तावडेची प्रमुख भूमिका असलेली ही मालिका सोमवारी ते शनिवार रात्री 8.30 वाजता प्रेक्षकांच्या भेटीला येणार आहे. झी मराठीने याबाबत अधिकृत माहिती दिली आहे.
View this post on Instagram
'सारं काही तिच्यासाठी' या मालिकेत खुशबू तावडे, अशोक शिंदे, दक्षता जोईल, रुची कदम, सिद्धिरूपा करमरकर, शशिकांत केरकर, वैशाली भोसले, अभिषेक गावकर, रागिणी सामंत, नीरज गोस्वामी आदी कलाकारांच्या प्रमुख भूमिका आहेत.
'झी मराठी'वर नव्या मालिकांचा रतीब
'झी मराठी' वाहिनीवर 'पारु’ आणि ‘शिवा’ या दोन मालिकांव्यतिरिक्त लवकरच ‘जगद्धात्री’, ‘पुन्हा कर्तव्य आहे’, ‘नवरी मिळे हिटलरला’ या मालिका सुरू होणार आहेत.
इतर संबंधित बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
