Shubhangi Gokhale: शुभांगी गोखलेंच्या लेकीची खास पोस्ट; आईची मालिका पाहिल्यानंतर सखी म्हणाली, 'अम्मा ...'
सखी गोखलेनं नुकतीच एक खास पोस्ट सोशल मीडियावर शेअर केली आहे. त्यांच्या या पोस्टनं अनेकांचे लक्ष वेधले आहे.
Shubhangi Gokhale: अभिनेत्री शुभांगी गोखले (shubhangi Gokhale) या विविध मालिका आणि चित्रपटांमधून प्रेक्षकांच्या भेटीस येत असतात. शुभांगी या त्यांच्या अभिनयानं प्रेक्षकांची मनं जिंकतात. शुभांगी यांची 'प्रेमाची गोष्ट' (Premachi Gosht) ही मालिका सध्या प्रेक्षकांच्या भेटीस येत आहे. शुभांगी यांची मुलगी अभिनेत्री सखी गोखलेनं नुकतीच एक खास पोस्ट सोशल मीडियावर शेअर केली आहे. त्यांच्या या पोस्टनं अनेकांचे लक्ष वेधले आहे.
सखी गोखलेनं इन्स्टाग्रामवर एक स्टोरी शेअर केली आहे. या स्टोरीमध्ये तिनं ‘प्रेमाची गोष्ट’ या मालिकेबाबत लिहिलं, 'काल रात्री माझ्या अम्माचा शो पाहिला. तिनं खूप छान काम केलं आहे. खूप छान एपिसोड होता. पुढील एपिसोड पाहण्यास मी खूप उत्सुक आहे. प्रेमाची गोष्ट नक्की पाहा, उत्तम लेखन, दिग्दर्शन, डिझाइन आणि कलाकार, ऑल द बेस्ट टीम'
'प्रेमाची गोष्ट' या मालिकेत शुभांगी गोखले यांच्यासोबतच तेजश्री प्रधान, राज हंचनाळे, संजीवनी जाधव हे कलाकार मुख्य भूमिकेत आहेत. या मालिकेचा पहिला एपिसोड काल रिलीज झाला.
प्रेमाची गोष्ट मालिकेतील भूमिकेविषयी सांगताना शुभांगी गोखले म्हणाल्या, ‘या मालिकेतील प्रत्येक पात्र महत्त्वाचं आहे. या मालिकेत मी मुक्ताच्या आईची म्हणजेच माधवी गोखले ही व्यक्तिरेखा साकारत आहे. प्रत्येक पात्र हे प्रेक्षकांच्या मनावर छाप पाडणारं असावं असं मला वाटतं. त्यामुळे मी साकारत असलेलं पात्र प्रेक्षकांच्या स्मरणात कसं राहिल यासाठी माझा प्रयत्न असतो.'
काहे दिया परदेस, राजा राणीची गं जोडी ,येऊ कशी तशी मी नांदायला या मालिकांमध्ये शुभांगी यांनी काम केलं. तसेच श्रीयुत गंगाधर टिपरे या मालिकेतील त्यांच्या अभिनयाला प्रेक्षकांची विशेष पसंती मिळाली. आता त्यांची 'प्रेमाची गोष्ट' ही मालिका प्रेक्षकांच्या भेटीस येत आहे.
शुभांगी यांची मुलगी सखी गोखले ही देखील अभिनेत्री आहे. तिनं दिल दोस्ती दुनियादारी, दिल दोस्ती दोबारा या मालिकांमध्ये काम केलं. अमर फोटो स्टुडिओ या नाटकामुळे सखीला विशेष लोकप्रियता मिळाली.
View this post on Instagram
वाचा इतर महत्वाच्या बातम्या:
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
