Rashmika Mandanna: पुष्पाच्या श्रीवल्लीची ठसकेबाज लावणी; चंद्रा गाण्यावर रश्मिकाचा जबरदस्त परफॉर्मन्स, पाहा व्हिडीओ
रश्मिकाच्या (Rashmika Mandanna) डान्स परफॉर्मन्सचा व्हिडीओ सोशल मीडियावर व्हायरल झाला आहे. या व्हिडीओमध्ये रश्मिका ही ठसकेबाज लावणी सादर करताना दिसत आहे.
Rashmika Mandanna: दाक्षिणात्य चित्रपटसृष्टीबरोबरच बॉलिवूडमध्ये देखील विशेष ओळख निर्माण करणारी अभिनेत्री रश्मिका मंदना (Rashmika Mandanna) ही तिच्या ग्लॅमरस अदा आणि स्टाईलनं प्रेक्षकांना घायाळ करते. पुष्पा या चित्रपटामुळे रश्मिकाला विशेष लोकप्रियता मिळाली. या चित्रपटात तिनं श्रीवल्ली ही भूमिका साकारली. 'नॅशनल क्रश' या नावानं रश्मिका ओळखली जाते. रश्मिकाचा चाहता वर्ग मोठा आहे. नुकताच रश्मिकाच्या एका डान्स परफॉर्मन्सचा व्हिडीओ सोशल मीडियावर व्हायरल झाला आहे. या व्हिडीओमध्ये रश्मिका ही ठसकेबाज लावणी सादर करताना दिसत आहे. व्हिडीओमधील रश्मिकाच्या मराठमोळ्या अंदाजानं अनेकांचे लक्ष वेधले आहे.
रश्मिकाच्या डान्स परफॉर्मन्सचा व्हिडीओ सोशल मीडियावर व्हायरल झाला आहे. या व्हिडीओमध्ये ती हातात बांगड्या, नाकात नथ, गळ्यात हार आणि नववारी साडी अशा लूकमध्ये दिसत आहे. रश्मिका ही चंद्रा या गाण्यावर परफॉर्म करणार आहे. रश्मिकाचा हा परफॉर्मन्स पाहण्यासाठी प्रेक्षक उत्सुक आहेत. झी चित्र गौरव पुरस्कार सोहळ्यात रश्मिकाचा परफॉर्मन्स प्रेक्षकांना पाहता येईल. हा सोहळा प्रेक्षक रविवारी (26 मार्च) छोट्या पडद्यावर पाहू शकतात. पुरस्कार सोहळ्यात रश्मिका ही प्रेक्षकांसोबत मराठी भाषेत संवाद साधणार आहे, असंही म्हटलं जात आहे.
पाहा व्हिडीओ
View this post on Instagram
रश्मिकाचे चित्रपट
रश्मिका ही दाक्षिणात्य चित्रपटसृष्टीतील प्रसिद्ध अभिनेत्री आहे. काही दिवसांपूर्वी रश्मिका मंदनाचा Vairsu हा चित्रपट प्रेक्षकांच्या भेटीस आला. या दिग्दर्शन वामशी पैडिपल्ली यांनी केले आहे. या चित्रपटात विजय आणि रश्मिका यांच्या व्यतिरिक्त शाम, प्रभू आणि प्रकाश राज या कलाकारांनी प्रमुख भूमिका साकारली. पुष्पा-2 या चित्रपटामधून रश्मिका प्रेक्षकांच्या भेटीस येणार आहे, असंही म्हटलं जात आहे.
रश्मिकानं बॉलिवूडमध्ये केलं पदार्पण
गुडबाय या चित्रपटामधून रश्मिकानं बॉलिवूडमध्ये पदार्पण केलं. या चित्रपटात रश्मिकासोबतच अमिताभ बच्चन, नीना गुप्ता, एली अविराम, सुनील ग्रोवर, साहिल मेहता आणि पावेल गुलाटी या कलाकारांनी देखील प्रमुख भूमिका साकारली होती. याशिवाय रश्मिकाचा मिशन मजनू हा चित्रपट देखील काही दिवसांपूर्वी ओटीटी प्लॅटफॉर्मवर रिलीज झाला. यामधील रश्मिका आणि अभिनेता सिद्धार्थ मल्होत्रा यांच्या जोडीला प्रेक्षकांची पसंती मिळाली.
इतर महत्वाच्या बातम्या:
Rishab Shetty: रश्मिकासोबत काम करणार का? ऋषभ शेट्टी म्हणाला, 'मला ती...'