Raksha Bandhan 2022 : मराठी अभिनेत्रींनी भावासोबतच्या गोड आठवणींना दिला उजाळा; भावना व्यक्त करत म्हणाल्या...

Marathi Serial : मराठी मालिकांमधील अभिनेत्रींनी आपल्या भावा बरोबरच्या अतुट नात्याविषयी भावना व्यक्त केल्या आहेत.

Raksha Bandhan 2022

Raksha Bandhan 2022 : राखी पोर्णिमा हा सण भाऊ बहिणी मधील जिव्हाळा, प्रेम आणि संरक्षणाचे प्रतिक आहे. नुकत्याच मराठी मालिकांमधील सुप्रसिद्ध अभिनेत्री दीपा परब-चौधरी, पल्लवी पाटील आणि धनश्री कडगावकर यांनी आपल्या भावा बरोबरच्या अतुट नात्याविषयी भावना व्यक्त केल्या आहेत. 

'नवा गडी नवं राज्य' मालिकेतील पल्लवी म्हणाली...

पल्लवी पाटील 'नवा गडी नवं राज्य' मधील आनंदी आपल्या भावा बरोबर असलेल्या प्रेमळ नात्या बद्दल सांगते की,"मी माझाच भाऊ नाही तर चुलत भावांना देखील तेवढ्याच प्रेमाने राखी बांधते, आम्ही सर्व एकत्र जमलो की धम्माल करतो. लहान असताना आपल्याला कोणीतरी राखी बांधून दादा म्हणाव असे वाटायचे ती इच्छा मग माझ्या बहिणी मला राखी बांधून दादा म्हणुन पुर्ण करायच्या. ही माझी बालपणीची आठवण अजून माझ्या स्मरणात आहे. आम्हा भावंडांच नातं खुप गोड आहे."

'तू चाल पुढं' मालिकेतील दिपा म्हणाली...

अभिनेत्री दिपा परब-चौधरी ही बऱ्याच कालावधी नंतर 'तू चाल पुढं' या नव्या मालिकेच्या माध्यमातून आपल्या भेटीला येणार आहे. दिपा आपल्या भावा बद्दल सांगते की, आमचे नाते खूप गोड आहे. तो कायम माझ्या पाठीशी उभा राहिला आहे. माझा भाऊ मला नेहमी माझ्या कामासाठी प्रोत्साहन देतो. माझे काम त्याला खूप आवडते. नवीन नवीन गोष्टी तो मला सुचवतो. या वर्षी देखील तेवढ्याच आनंदाने आणि उत्सहाने आम्ही रक्षाबंधन साजरे करणार आहोत असं सांगताना दिपा खुप आनंदी झाली होती. 

'तू चाल पुढं' मालिकेतील शिल्पी म्हणाली...

'तू चाल पुढं' या नविन मालिकेतील शिल्पी या भूमिकेत दिसणारी प्रसिद्ध अभिनेत्री धनश्री काडगावकर लहानपणीच्या आठवणी सांगताना म्हणाली की, आम्ही लहानपणी खुप भांडायचो ,भन्नाट मस्ती करायचो पण ते तेवढ्यापुरतच. लहानपणी रक्षाबंधनाला भावाकडे मला देण्यासाठी छानशी भेट वस्तू असायची,पण मला मुद्दाम चिडवण्यासाठी एक रुपया द्यायचा. अशा गोड आठवणी आहेत. या वर्षी कामात व्यस्त असल्यामुळे भेट होईल की नाही शंका आहे पण आम्ही नक्की रक्षाबंधन साजरे करु". 

संबंधित बातम्या