Premachi Goshta Serial Update : अंधाराचा फायदा घेत कार्तिक डाव साधणार; सागर होणार मुक्ताचा नोकर
Premachi Goshta Serial Update : नाराज असलेल्या मुक्ताची समजूत काढण्यासाठी सागरचे प्रयत्न सुरू आहेत. तर, दुसरीकडे कार्तिक अंधाराचा फायदा घेत मुक्तासोबत लगट करण्याचा प्रयत्न करतो.
Premachi Goshta Serial Update : नाराज असलेल्या मुक्ताची समजूत काढण्यासाठी सागरचे प्रयत्न सुरू आहेत. तर, दुसरीकडे कार्तिक अंधाराचा फायदा घेत मुक्तासोबत लगट करण्याचा प्रयत्न करतो. 'प्रेमाची गोष्ट' (Premachi Goshta) मालिकेतील आजच्या एपिसोडमध्ये मुक्ताच्या प्रेमासाठी आसुसलेला सागर दिसणार आहे.
सागर होणार मुक्ताचा नोकर!
दुखावलेल्या मुक्ताची समजूत काढण्यासाठी सागरचे प्रयत्न सुरू असतात. त्यासाठी तो खूप धडपड करत असतो. आता, मुक्ताच्या क्लिनिकमध्ये सागर नोकर म्हणून जातो. मुक्तासाठी तो डबा आणतो. वेश बदलून आलेल्या सागरला मुक्ता ओळखते. मुक्ता सागरने आणलेला डबा जेवण्यास नकार देते. आरतीदेखील मुक्ताला जेवून घेण्यास सांगते. पण, मुक्ता आरतीवर चिडते आणि पुढील पेशंटला पाठवण्यास सांगते.
तु्म्हाला हा सगळा भावनांचा खेळ वाटतो का, एकदा तुटलेला विश्वास पुन्हा जोडणं कठीण असते असे मुक्ता चिडून सांगते. सागरवर नाराज झालेली मुक्ता क्लिनिकमधून निघून जाते. सावनी आदित्यला आपल्या बाजूने वळवण्यासाठी प्रयत्न करते. सावनी आदित्यचे कौतुक करून मी पण सागरला माफ करण्याचा प्रयत्न करणार असल्याचे सांगते.
अंधाराचा फायदा घेत कार्तिक डाव साधणार
घरात अंधाराचा फायदा घेत कार्तिक मुक्ताला मिठी मारतो आणि लगट करण्याचा प्रयत्न करतो. त्यावेळी मुक्ता आरडोओरड करते. लाईट लावल्यानंतर मुक्ता कार्तिकला ओरडते. कार्तिक आपली चूक झाल्याचे सांगत माफी मागतो. मी स्वातीला असेच सरप्राईज देतो असे सांगतो. तेवढ्यात स्वाती येते. मात्र, मुक्ता त्याबद्दल स्वातीला काहीही सांगत नाही.
इंद्राकडून घरात मांसाहारी जेवण, सागर होणार नाराज
रात्रीच्या जेवणासाठी इंद्रा घरात चिकन करते. मुक्तासाठी कोणतेही शाकाहारी जेवण बनवत नाही. इंद्रा मुक्ताला बोल लावते. त्यावर सागर नाराजी व्यक्त करत जेवणार नसल्याचे सांगतो. मुक्तासाठी एखादी भाजी करायला हवी होती, पण एखाद्याला उपाशी का ठेवावं असे सागर बोलतो आणि न जेवता पंगतीतून उठून जातो.सागर उठून गेल्यानंतर सईदेखील उठून जाते. बापू देखील मुक्ताची बाजू घेत इंद्राला बोलतात.सागर मुक्ताला जेवण करण्याचा आग्रह करतो. पण, मुक्ताची नाराजी कायम असते. तेवढ्यात सई शेजारच्या काकूकडून शाकाहारी जेवण आणते आणि मुक्ताच्या चेहऱ्यावर हास्य उमटते.
पाहा व्हिडीओ :Premachi Goshta | Latest Episode 193
इतर संबंधित बातमी :
महत्त्वाच्या बातम्या
