Marathi Serials : जुई गडकरीच्या 'ठरलं तर मग'मालिकेची TRP मध्ये जबरदस्त कामगिरी; अरुंधतीसाठी ठरणार धोक्याची घंटा?
Tharla Tar Mag : जुई गडकरीची (Jui Gadkari) 'ठरलं तर मग' ही मालिका टीआरपीच्या शर्यतीत पहिल्या क्रमांकावर आहे.
Marathi Serial TRP Rating : मराठी मालिका (Marathi Serial) विश्वात सध्या नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे. अभिनेत्री जुई गडकरीच्या (Jui Gadkari) 'ठरलं तर मग' (Tharla Tar Mag) या मालिकेने नेहमीप्रमाणे या आठवड्यातही टीआरपीच्या शर्यतीत बाजी मारली आहे. टॉप 10 मालिका कोणत्या आहेत, जाणून घ्या...
1. टीआरपीच्या शर्यतीत 'ठरलं तर मग' (Tharla Tar Mag) ही मालिका पहिल्या क्रमांकावर आहे. या मालिकेला 7.0 रेटिंग मिळाले आहे.
2. 'लक्ष्मीच्या पावलांनी' (Lakshmichya Pavalani) ही मालिका दुसऱ्या क्रमांकावर आहे. या मालिकेला 6.8 रेटिंग मिळाले आहे.
3. 'तुझेच मी गीत गात आहे' (Tuzech Mi Geet Gaat Aahe) ही मालिका तिसऱ्या क्रमांकावर आहे. या मालिकेला 6.5 रेटिंग मिळाले आहे.
4. तेजश्री प्रधानची 'प्रेमाची गोष्ट' (Premachi Goshta) ही मालिका सध्या लोकप्रियतेच्या शिखरावर असून ही मालिका टीआरपीच्या रेसमध्ये चौथ्या स्थानावर आहे. या मालिकेला 6.4 रेटिंग मिळाले आहे.
5. टीआरपी लिस्टमध्ये 'आई कुठे काय करते' (Aai Kuthe Kay Karte) ही मालिका पाचव्या स्थानावर आहे. या मालिकेला 5.8 रेटिंग मिळाले आहे.
6. 'सुख म्हणजे नक्की काय असतं' (Sukh Mhanje Nakki Kay Asta) ही मालिका टीआरपीच्या शर्यतीत सहाव्या क्रमांकावर असून या मालिकेला 5.8 रेटिंग मिळाले आहे.
7. 'कुन्या राजाची गं तू रानी' ही मालिका टीआरपीच्या शर्यतीत सातव्या स्थानावर आहे. टीआरपी रिपोर्टनुसार या मालिकेला 5.0 रेटिंग मिळाले आहे.
8. टीआरपीच्या शर्यतीत 'आता होऊ दे धिंगाणा 2' हा कार्यक्रम आठव्या क्रमांकावर आहे. या मालिकेला 4.6 रेटिंग मिळाले आहे.
9. 'ठिपक्यांची रांगोळी' ही मालिका नवव्या क्रमांकावर आहे. या मालिकेला 4.6 रेटिंग मिळाले आहे.
10. 'मुरांबा' ही मालिका टीआरपी रिपोर्टमध्ये दहाव्या क्रमांकावर आहे. या मालिकेला 4.1 रेटिंग मिळाले आहे.
कथाबाह्य कार्यक्रमांना प्रेक्षकांची नापसंती
छोट्या पडद्यावरील अनेक मालिका प्रेक्षकांचं चांगलच मनोरंजन करत आहेत. तर दुसरीकडे कथाबाह्य कार्यक्रम पाहणं प्रेक्षकांना नापसंत असल्याचं टीआरपी रिपोर्टमध्ये स्पष्ट दिसत आहे. 'आता होऊ दे धिंगाणा 2' हा कार्यक्रम टीआरपीच्या शर्यतीत आठव्या क्रमांकावर आहे. तर 'चला हवा येऊ द्या' या कार्यक्रमाला 1.3 रेटिंग आणि 'महाराष्ट्राची हास्यजत्रा' या कार्यक्रमाला 0.5 रेटिंग मिळाले आहे.
संबंधित बातम्या
महत्त्वाच्या बातम्या
ट्रेंडिंग न्यूज
