सुखी माणसाचा सदरा मालिकेच्या सेटवर अवतरली 'बकुळा'
'बकुळा नामदेव घोटाळे' या सोनाली कुलकर्णीच्या पहिल्या चित्रपटाला 13 वर्ष पूर्ण झाली आहेत. यानिमित्ताने सोनाली कुलकर्णीने 'सुखी माणसाचा सदरा' या मालिकेच्या सेटवर जाऊन आपल्या पदार्पणाचं दणक्यात सेलिब्रेशन केलं.
मुंबई : गेल्या काही दिवसांपासून छोट्या पडद्यावर अनेक नवनव्या मालिका येऊ लागल्या आहेत. नवे विषय शोधायचे प्रयत्न होत आहेत. अशातच आता दिग्दर्शक केदार शिंदे नवी मालिका घेऊन येत आहे. या मालिकेचं नाव आहे 'सुखी माणसाचा सदरा'. येत्या दसऱ्याला या मालिकेचा शुभारंभ होणार आहे.
केदार शिंदे, भरत जाधव ही जोडी पुन्हा एकदा एकत्र आली आहे. या जोडीने अनेक नाटकं, मालिका, सिनेमे दिले आहेत. बऱ्याच काळानंतर भरत जाधव आणि केदार शिंदे ही जोडी मालिकेच्या निमित्ताने एकत्र आली आहे. मालिकेचं चित्रिकरण सध्या सुरु आहे. पण गंमत अशी की मलािकेच्या सेटवर 13 तारखेला एकच गंमत झाली. सेटवर सगळं चित्रिकरण व्यवस्थित चालू असताना अचानक सेटवर अवतरली 'बकुळा नामदेव घोटाळे'. अर्थात सोनाली कुलकर्णी. सोनालीचा हा चित्रपट पहिला चित्रपट ठरला. या चित्रपटाद्वारे सोनालीने मराठी चित्रपटसृष्टीत पदार्पण केलं. त्याला आता 13 वर्ष पूर्ण होत असल्याचं निमित्त साधून ती सेटवर आली होती.
अचानक बकुळा #sukhimanasachasadara च्या सेटवर आली.. १३ वर्षे पूर्ण झाल्याचं हे आपलसं celebration. Thanks @meSonalee @BharatJadhav898 and missed you @SIDDHARTH23OCT ❤️❤️❤️ pic.twitter.com/UvaDAhOEPY
— Kedhar Yeshodhara Shinde (@mekedarshinde) October 12, 2020
सेटवर केदार आणि भरत होतेच. पण आपला हा दिवस वाया न जाता छोटं सेलिब्रेशन व्हावं म्हणून तिने या सेटवर दोघांची भेट घेतली. ती आली होती तोच मुळी केक घेऊनच. या छोटेखानी कार्यक्रमात तिने केक कापून केक दिग्दर्शक केदार शिंदे, भरत जाधव यांना भरवला. छोटं फोटोसेशन झालं आणि मग तिचं पदार्पण असं साजरं झालं. केदार शिंदेने सोशल मीडियावर हे फोटो टाकून ही माहीती दिली.
या सगळ्या सेलिब्रेशनमध्ये उणीव भासली ती सिद्धार्थ जाधवची. कारण तोही या सिनेमाचा महत्वाचा भाग होता. हे सेलिब्रेशन करताना सर्वांनाच सिद्धूची आठवण आली. केदारनेही ते नमूद केलं आहे. यात सिद्धार्थ जाधवची आठवण आल्याचं त्याने त्याला टॅग करत सांगितलं.
महत्त्वाच्या बातम्या :
महत्त्वाच्या बातम्या
