Star Pravah : 'आई कुठे काय करते'नंतर प्रेक्षकांना पुन्हा धक्का, स्टार प्रवाहवरील आणखी एक मालिका घेणार निरोप?
Star Pravah : स्टार प्रवाह वाहिनीवर आणखी एक मालिका प्रेक्षकांचा निरोप घेणार असल्याच्या चर्चा सध्या सुरु आहेत.
Marathi Serial : स्टार प्रवाह (Star Pravah) वाहिनीवरील 'आई कुठे काय करते' (Aai Kuthe Kay Karte) ही मालिका तब्बल पाच वर्षांनी प्रेक्षकांचा निरोप घेणार आहेत. त्यामुळे सध्या सोशल मीडियावर या मालिकेविषयी बरीच चर्चा सुरु आहे. त्यातच आता स्टार प्रवाह वाहिनीवरील आणखी एक मालिका प्रेक्षकांचा निरोप घेणार असल्याच्या चर्चा सुरु झाल्यात. ही मालिका देखील मागील तीन वर्षांपासून प्रेक्षकांचं मनोरंजन करतेय.
लग्नाची बेडी ही मालिका 31 जानेवारी 2022 पासून प्रेक्षकांच्या भेटीस आली होती. त्यानंतर जवळपास तीन वर्ष ही मालिका प्रेक्षकांचं मनोरंजन करतेय. पण आता ही मालिका प्रेक्षकांचा निरोप घेणार असल्याची माहिती सध्या समोर आलेली आहे. लग्नाची बेडी या मालिकेत अभिनेता संकेत पाठक, अभिनेत्री सायली देवधर आणि अभिनेत्री रेवती लेले मुख्य भूमिकेत होते. ही मालिका वाहिनीवर दुपारी प्रसारित करण्यात येत होती.
'लग्नाची बेडी'ही घेणार प्रेक्षकांचा निरोप?
दरम्यान लग्नाची बेडी ही मालिका जरी प्रेक्षकांचा निरोप घेणार असली तरीही या जागी कोणती मालिका सुरु होणार याची उत्सुकता प्रेक्षकांना आहे. लग्नाची बेडी ही मालिका सुरुवातील रात्री प्रसारित करण्यात येत होती. पण त्यानंतर या मालिकेला दुपारचा स्लॉट देण्यात आला. ही मालिका दुपारी 1 वाजता प्रसारित करण्यात येते. ही मालिका जरी संपणार असल्याच्या चर्चा असल्या तरीही स्टार प्रवाहकडून अद्यापही नव्या मालिकेची घोषणा करण्यात आलेली नाही.
'आई कुठे काय करते'ही घेणार प्रेक्षकांचा निरोप
स्टार प्रवाहवर 2019 मध्ये सुरु झालेली आई कुठे काय करते ही मालिका आता प्रेक्षकांचा निरोप घेणार आहे. आई कुठे काय करते ही मालिका दुपारी 2.30 वाजता प्रसारित करण्यात येते. पण आता लवकरच निवेदिता सराफ आणि मंगेश कदम यांची मुख्य भूमिका असेलली आई कुठे काय करते ही मालिका येत्या 2 डिसेंबरपासून सुरु होणार आहे. सध्या आई कुठे काय करते या मालिकेच्या सेटवरही सेलीब्रेशन सुरु असल्याचेही फोटो सोशल मीडियावरुन समोर येत आहेत. लवकरच ही मालिका ऑफ एअर जाईल.
View this post on Instagram
ही बातमी वाचा :
महत्त्वाच्या बातम्या
