Chala Hawa Yeu Dya : 'बच्चन पांडे'च्या प्रमोशनसाठी 'चला हवा येऊ द्या'च्या मंचावर येणार खिलाडी Akshay Kumar

Chala Hawa Yeu Dya : 'चला हवा येऊ द्या'च्या आगामी भागात अक्षय कुमार आणि कृती सेनन दिसणार आहे.

WhatsApp_Image_2022-03-09_at_1200.37_PM

Chala Hawa Yeu Dya : 'चला हवा येऊ द्या' (Chala Hawa Yeu Dya) या कार्यक्रमाची लोकप्रियता दिवसेंदिवस वाढत आहे. मराठी कलाकारांसह बॉलिवूड सेलिब्रिटीदेखील या कार्यक्रमाह सहभागी होण्यासाठी उत्सुक असतात. चला हवा येऊ द्या आणि त्यातील विनोदवीर वर्षानुवर्षे प्रेक्षकांच्या मनावर अधिराज्य करत आहेत. केवळ महाराष्ट्रातच नाही, तर जगाच्या कानाकोपऱ्यातील प्रेक्षकांकडून या कार्यक्रमाला  पसंती मिळत आहे. 'चला हवा येऊ द्या'च्या आगामी भागात अक्षय कुमार (Akshay Kumar) आणि कृती सेनन (Kriti Sanon) दिसणार आहे. 

'चला हवा येऊ द्या'चा आगामी भाग खूपच खास असणार आहे. आगामी भागात खिलाडी अक्षय कुमार आणि कृती सेनन दिसणार आहे. बच्चन पांडेच्या प्रमोशनसाठी त्यांनी 'चला हवा येऊ द्या'च्या मंचावर हजेरी लावली आहे. अक्षय कुमारने फक्त या मंचावर हजेरीच नाही लावली तर त्याच्या ढासू स्टाईलमध्ये कृती सोबत डान्सदेखील केला. 

'चला हवा येऊ द्या' च्या मंचावर अक्षय कुमारचा मराठमोळा अंदाज प्रेक्षकांना पहायला मिळणार आहे. तसंच खिलाडी कुमार मंचावर आला आहे म्हणून विनोदवीरांनी देखील कल्ला केला आणि अक्षयने देखील या विनोदवीरांसोबत मिळून खूप धमाल केली आहे. 

'बच्चन पांडे' सिनेमा 18 मार्चला होळीच्या मुहूर्तावर प्रदर्शित होणार आहे. या सिनेमाचे कथानक एका गँगस्टरवर आधारित आहे. या सिनेमात कृती सेनन, जॅकलीन फर्नांडिस आणि अर्शद वारसी, पंकज त्रिपाठी आणि प्रतिक बाबरदेखील महत्त्वाच्या भूमिकेत दिसणार आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha