एक्स्प्लोर

निवडणूक निकाल २०२४

(Source: ECI/ABP News/ABP Majha)

Devmanus 2 : देवमाणूसच्या दुसऱ्या भागात किरण गायकवाड डॉक्टर म्हणून परतणार? येत्या रविवारी एक तासाचा विशेष भाग

Devmanus 2 : 'देवमाणूस' या मालिकेने लोकप्रियतेचं शिखर गाठलं आणि प्रेक्षकांना टीव्ही स्क्रीनला खिळवून ठेवलं.

By : एबीपी माझा वेब टीम | Edited By: मंजिरी पोखरकर | Updated at : 15 Dec 2021 09:28 PM (IST)

देवमाणूस

Devmanus 2 : चांगुलपणाचा बुरखा पांघरुन घात करणाऱ्या अशा वृत्तीविषयी भाष्य करणारी 'देवमाणूस' ही मालिका प्रेक्षकांच्या भेटीला आली होती. या मालिकेत मुख्य भूमिका साकारणारा अभिनेता किरण गायकवाडच्या अभिनयाचं प्रचंड कौतुक झालं होतं. त्याच्या अभिनयाने त्याने तमाम प्रेक्षकांच्या मनावर राज्य केलं आणि 'देवमाणूस'मधील भूमिकेने त्याने प्रेक्षकांच्या मनात वेगळी ओळख निर्माण केली. मालिकेचा जेव्हा शेवट झाला तेव्हा मालिकेचा दुसरा भाग येणार अशी चर्चा सुरु होती आणि प्रेक्षक आतुरतेने या दुसऱ्या भागाची वाट बघत होते. आता तो क्षण लवकरच येणार आहे. सगळ्यांचा लाडका हा 'देवमाणूस' पुन्हा एकदा प्रेक्षकांच्या भेटीला येत आहे.

एक बोगस डॉक्टर जो गावातल्या भाबड्या लोकांना आपल्या बोलक्या स्वभावाने भूरळ पाडतो. अल्पवधीतच गावात देवमाणूस म्हणून त्याची ख्याती पसरते. या देवमाणसाच्या बुरख्याआड लपला होता एक असा चेहेरा ज्याची कोणी कल्पनाही केली नव्हती. अतिशय रंजक मर्डर मिस्ट्री या मालिकेच्या निमित्ताने प्रेक्षकांना पाहायला मिळाली.

View this post on Instagram

A post shared by ZeeMarathi (@zeemarathiofficial)

डॉक्टर अजितकुमार देव गावातील साध्याभोळ्या लोकांना फसवून अनेक स्त्रियांना स्वतःच्या प्रेमाच्या जाळ्यात अडकवून त्यांचे खून करतो. शेवटी डिम्पल डॉक्टरचे पैसे घेऊन पळून जाते. तर डॉक्टर एका इस्पितळात बेशुद्ध अवस्थेत असतो. डॉक्टराचा मृत्यू न दाखवल्यामुळे या मालिकेचा पुढील भाग येणार याची कल्पना प्रेक्षकांना होती. त्यामुळेच आता दुसऱ्या सीजनमध्ये नक्की काय दाखवण्यात याकडे प्रेक्षकांचं लक्ष लागलं आहे.

रण गायकवाडने त्याच्या इन्स्टा स्टोरीला स्वत: चा फोटो पोस्ट करत लिहिले होते,"पण यावेळी मी नाही". यामुळे प्रेक्षकांच्या मनात मोठा गोंधळ निर्माण झाला. मात्र हा पब्लिसिटी स्टंट असल्याचे समोर आले आहे. त्यामुळे प्रेक्षाकांना देखील दिलासा मिळाला आहे. तसेच डॉक्टरच्या भूमिकेत किरण गायकवाड दिसणार असल्याचे नक्की झाले आहे.

'ती परत आलीये' ही मालिका प्रेक्षकांचा निरोप घेणार आहे. त्याजागी 'देवमाणूस 2' मालिका प्रेक्षकांचं मनोरंजन करण्यासाठी सज्ज होणार आहे. 19 डिसेंबरला 'देवमाणूस 2' मालिकेचा महाआरंभ होणार आहे. विशेष म्हणजे मालिकेची ओपनिंग दणक्यात होणार आहे. कारण 19 डिसेंबरला मालिकेचा एक तासाचा विशेष भाग असणार आहे.

संबंधित बातम्या