Devmanus 2 : पुनश्च हरिओम! 19 डिसेंबरला 'देवमाणूस 2' मालिकेचा महाआरंभ, एक तासाचा विशेष भाग

Devmanus 2 : देवमाणूस मालिका लवकरच प्रेक्षकांच्या भेटीला येणार आहे. 'देवमाणूस' ही छोट्या पडद्यावरची लोकप्रिय मालिका ठरली होती.

Written By : एबीपी माझा वेब टीम | Edited By: मंजिरी पोखरकर | Updated at : 08 Dec 2021 07:30 PM (IST)

देवमाणूस

Devmanus 2 : 'देवमाणूस' या मालिकेने लोकप्रियतेचं शिखर गाठलं आणि प्रेक्षकांना छोट्या पडद्यावर खिळवून ठेवलं. या मालिकेतील रंजक वळण पाहताना प्रेक्षक टीव्हीसमोरून हलत नसत. या मालिकेत मुख्य भूमिका साकारणारा अभिनेता किरण गायकवाड याच्या अभिनयाचं देखील प्रचंड कौतुक झालं. त्याच्या अभिनयाने त्याने तमाम प्रेक्षकांच्या मनावर राज्य केलं. 'देवमाणूस'मधील भूमिकेने त्याने प्रेक्षकांच्या मनात वेगळी ओळख निर्माण केली.

सगळ्यांचा लाडका 'देवमाणूस' पुन्हा एकदा प्रेक्षकांच्या भेटीला येत आहे. मालिकेच्या दुसऱ्या भागाचा टीझर प्रदर्शित होताच सोशल मीडियावर चर्चेला उधाण आले आहे. 'देवमाणूस 2' लकरकच सुरू होणार आहे. मालिकेतील कलाकारांची नावे अद्याप गुलदस्त्यात आहे. सोबत देवमाणूसची मुख्य भूमिका साकारणारा अभिनेता किरण गायकवाड याचा लूक या नवीन भागात कसा असणार आहे, याची उत्सुकता देखील प्रेक्षकांना आहे.

View this post on Instagram

A post shared by ZeeMarathi (@zeemarathiofficial)

'ती परत आलीये' ही मालिका प्रेक्षकांचा निरोप घेणार आहे. त्याजागी 'देवमाणूस 2' मालिका प्रेक्षकांचं मनोरंजन करण्यासाठी सज्ज होणार आहे. 19 डिसेंबरला 'देवमाणूस 2' मालिकेचा महाआरंभ होणार आहे. विशेष म्हणजे मालिकेची ओपनिंग दणक्यात होणार आहे. कारण 19 डिसेंबरला मालिकेचा एक तासाचा विशेष भाग असणार आहे.

संबंधित बातम्या