Chhavi Mittal Post : कॅन्सरच्या ऑपरेशननंतर पहिल्यांदाच छवी जिममध्ये, फोटो शेअर करत म्हणाली...

 Chhavi Mittal Post : छवीने तिचा नवा फोटो इंस्टाग्रामवर शेअर केला आहे. या फोटोमध्ये छवीने ग्रे कलरचा जिम सूट घातलेला दिसत आहे.

Chhavi Mittal

Chhavi Mittal Post : टीव्ही अभिनेत्री छवी मित्तलवर (Chhavi Mittal) 25 एप्रिल रोजी ब्रेस्ट कॅन्सरची अर्थात स्तनाच्या कर्करोगाची शस्त्रक्रिया पार पडली. या शस्त्रक्रियेनंतर आता ती कॅन्सरमुक्त झाली आहे. कर्करोगाशी दोन हात करून परतलेली छवी आता जिममध्ये देखील परतली आहे. अभिनेत्रीने स्वतः जिममधील एक फोटो सोशल मीडियावर शेअर केला आहे. कॉबतच तिने एक दमदार कॅप्शनही लिहिले आहे.

छवीने तिचा नवा फोटो इंस्टाग्रामवर शेअर केला आहे. या फोटोमध्ये छवीने ग्रे कलरचा जिम सूट घातलेला दिसत आहे. या फोटोसोबत, छवीने एक पोस्ट देखील लिहिली आहे. या पोस्टमध्ये छवीने तिचा हा कॅन्सरचा प्रवास कसा होता, हे शेअर केले आहे. छवीने या पोस्टमध्ये लिहिले की, 'मी आज असं काही केलं, ज्याचा विचारही केला जाऊ शकत नाही. मी आज जिमला गेले होते. मी माझ्या हातांवर ताण देऊ शकत नाही. मी वजन उचलू शकत नाही, तर ते उचलले नाही. मी दबावाखाली काहीही करू शकत नाही, म्हणून मी काहीही केले नाही. मी जे काही करू शकत होते, त्यावरच लक्ष केंद्रित केले.’

पाहा पोस्ट :

याच्या पुढे छवीने लिहिले की, ‘मी स्कॉट्स, लंग्ज, बल्गेरियन स्प्लिट स्कॉट्स, कॅफे रेझ, सिंगल लेग स्कॉट्स आणि सुमो स्कॉट्स देखील केले. हे करणे सोपे आहे, नाही का? यात तक्रार करण्यासारखे काहीच नाही, असे अभिनेत्रीचे म्हणणे आहे. तिने पुढे सांगितले की, मी माझ्या शस्त्रक्रियेच्या जखमाही दाखवल्या. माझ्या फिजिओथेरपिस्टलाही माझा अभिमान वाटत होता.’ छवीने पुढे लिहिले की, माझा विश्वास आहे की मानसिकदृष्ट्या मजबूत असल्याशिवाय तुम्ही शारीरिकदृष्ट्या मजबूत होऊ शकत नाही.

 कॅन्सरशी झुंज यशस्वी!

अभिनेत्री छवी मित्तलची शस्त्रक्रिया यशस्वी झाली असून, ती आता यातून बरी होत आहे. आत ती कर्करोगमुक्त झाली आहे. या दरम्यान तिला इतक्या वेदना होत आहेत की, कोणतेही पेन किलर औषध यावर काम करत नाहीय. असे असले तरी तिच्या चेहऱ्यावरचे हास्य कायम आहे, त्यामुळे तिला चाहत्यांकडूनही भरपूर प्रेम मिळत आहे.

महत्वाच्या बातम्या :