Bigg Boss Marathi 5 : आर्या, अर्र येडी का खुळी तू, हिला सपोर्ट तरी कसा करावा; नेटकऱ्यांचा संताप अनावर
Bigg Boss Marathi New Season : कॅप्टनसी टास्कमध्ये आर्या जाधवचा खेळ पाहून नेटकरी तिच्यावर चांगलेच भडकले आहेत. बिग बॉस प्रेमींनी कमेंट्स करत प्रतिक्रिया व्यक्त केली आहे.
Bigg Boss Marathi Season 5 : बिग बॉस मराठीच्या घराला आता नवीन कॅप्टन मिळाला आहे. वर्षा उसगांवकर बिग बॉसच्या घरातील नव्या कॅप्टन ठरल्या होत्या. कॅप्टन्सी टास्कमध्ये कॅप्टनपदासाठी दावेदार असलेल्या सदस्यांना स्वत:ची पात्रता सांगून इतरांना आपण चांगला कॅप्टन होऊ शकतो, हे समजावून सांगायचं होतं. मात्र, यावेळी आर्याने माघार घेतली.
आर्याचा खेळ पाहून नेटकरी चांगलेच भडकले
कॅप्टन पदाच्या दावेदारीतून आर्याने फक्त माघारच नाही घेतली तर आपली श्रेष्ठता सांगण्याऐवजी आपण यासाठी कशाप्रकारे योग्य नाही, हे सांगितलं. यामुळे आर्याला गेम कळलाच नाहीय, असं म्हणत इतर सदस्यांनी तिला समजावण्याचा प्रयत्न केला, पण तिला ते समजलं नाही.
आर्यावर नेटकऱ्यांचा संताप अनावर
View this post on Instagram
कॅप्टन्सी कार्यात आपण किती वाईट खेळलो आहे आणि आपण या पदासाठी पात्र नाही, हेच आर्या समजावून सांगत होती. आर्याचं हे वागणं पाहून नेटकरी तिच्यावर चांगलेच भडकले आहेत. गेल्या आठवड्यात आर्याच्या एकाकी खेळीचं प्रेक्षकांसह रितेश भाऊनंही कौतुक केलं होतं. मात्र, या आठवड्यात तिचं आर्या कॅप्टन्सीमधून माघार घेतल्याचं पाहताच नेटकऱ्यांचा संताप अनावर झाला.
खेळण्याआधीच माघार घेणं हे मूर्खपणाचं लक्षणं
कॅप्टन्सीच्या दावेदारीबद्दल बोलताना आर्या म्हणाली की, "कालच्या गेममध्ये मी पॅनिक झालेली आणि मला खरंच नाही वाटत की इकडे उभे असलेल्या सगळ्यांपेक्षा माझा गेम चांगला होता. मी खूप चांगलं खेळू शकते, पण जिथे मी माझं बेस्ट दिलेलं नाही. त्यानंतर ती धनंजय आणि वैभवच्या गेमबद्दल बोलायला सुरुवात करते". यावेळी वैभव तिला सांगतो की, "तू तुझ्या खेळाबद्दल बोल". यानंतर आर्या पुढे म्हणते की, "पॅनिक झाल्यामुळे आणि घाबरल्यामुळे मी माझा बेस्ट देऊ शकले नाही". यानंतर बिग बॉस पुढे म्हणाले की, "आर्या हे तुम्ही आधीच मला सांगितलं असतं, तर मी तुम्हाला इथे बोलावलंच नसतं. कारण आपण प्रेक्षकांचाही वेळ वाया घालवताय. बिग बॉसच्या घरात खेळ खेळण्याआधीच माघार घेणं हे मूर्खपणाचं लक्षण आहे", असं म्हणत बिग बॉसनेही आर्याची कानउघडणी केली.
"आर्या खरंच मंद आहे"
नेटकऱ्यांच्या कमेंट्सचा पाऊस
आर्याच्या हा खेळ पाहून नेटकऱ्यांच्या कमेंट्सचा पाऊस पाहायला मिळत आहे. एका नेटकऱ्याने लिहिलंय, "आर्या.... अर्र येडी का खुळी तू... आपण इतरांपेक्षा कसे श्रेष्ठ आहोत हा टास्क होता स्वतःचा insult करण्याचा नाही". दुसऱ्यानं लिहिलंय, "आर्या खरच मंद आहे".
महत्त्वाच्या इतर बातम्या :
Salman Khan : 'भाईजान'लाही पडली गुलिगत सूरज चव्हाणची भूरळ, सलमान खानचा हा धमाल VIDEO पाहिलात का?
महत्त्वाच्या बातम्या
