Salman Khan : 'भाईजान'लाही पडली गुलिगत सूरज चव्हाणची भूरळ, सलमान खानचा हा धमाल VIDEO पाहिलात का?

Bigg Boss Marathi New Season : सूरज चव्हाणची हटके स्टाईल, त्याची डायलॉगबाजी, यासोबत त्याचा साधासरळ स्वभाव यामुळे त्याला प्रेक्षकांचं भरपूर प्रेम मिळताना दिसत आहे.

Salman Khan Bigg Boss Marathi

Source : Colors Marathi

Bigg Boss Marathi New Season : बिग बॉस मराठीचा यंदाचा सीझन थोडा वेगळा ठरताना दिसत आहे. बिग बॉस मराठीच्या पाचव्या सीझन आतापर्यंतचा सर्वाधिक लोकप्रिय सीझन ठरताना दिसत आहे. यंदाच्या बिग बॉसची थीम, बिग बॉसचा होस्ट आणि सदस्य हे सगळंच यामागचं कारण आहे. बिग बॉस मराठीचा यंदाचा सीझन होस्ट रितेश देशमुख याच्यासोबतच घरातील सदस्यांमुळेही चर्चेत आहे. 

 'भाईजान'लाही पडली गुलिगत सूरज चव्हाणची भूरळ

बिग बॉस मराठीच्या (Bigg Boss Marathi 5) घरात यंदा एकापेक्षा एक कल्लाकार पाहायला मिळत आहेत. यातील एका सदस्याने फक्त बिग बॉस मराठीच्या घरातील सदस्यांचं आणि संपूर्ण महाराष्ट्राचं प्रेम मिळवलं आहे. रिल स्टार सूरज चव्हाण यंदा बिग बॉस मराठीच्या घरात स्पर्धक म्हणून सामील झाला आहे. सूरज चव्हाणची हटके स्टाईल, त्याची डायलॉगबाजी, यासोबत त्याचा साधासरळ स्वभाव यामुळे त्याला प्रेक्षकांचं भरपूर प्रेम मिळताना दिसत आहे.

सलमान खानचा हा धमाल VIDEO पाहिलात का?

अवघ्या महाराष्ट्राला सूरज चव्हाणनं वेड लावल्याचं पाहायला मिळत असताना आता बॉलिवूडचा भाईजान सलमान खानलाही त्याची भूरळ पडल्याचं दिसत आहे. सोशल मीडियावर सध्या सलमान खानचा एक व्हिडीओ व्हायरल होत आहे, ज्यामध्ये सूरज चव्हाणचे डायलॉग बोलताना दिसत आहे. एका इंस्टाग्राम अकाऊंटवर हा व्हिडीओ शेअर करण्यात आला आहे. सूरजच्या डायलॉगबाजीचा सलमान खानचा व्हिडीओ नेटकऱ्यांच्या चांगलाच पसंतीस उतरला आहे. या व्हिडीओला मोठ्या प्रमाणात लाईक्स मिळत असून कमेंट्सचाही पाऊस पडल्याचं दिसत आहे.

पाहा व्हायरल व्हिडीओ

 

 

 

 

 

View this post on Instagram

 

 

 

 

 

 

 

 

 

 

 

A post shared by Marathi epic jokes (@marathi_epic_jokes)

 

महत्त्वाच्या इतर बातम्या :