Bigg Boss Marathi 3 : सिद्धार्थ जाधवने घेतली महेश मांजरेकरांची जागा, मांजरेकरांनी सोडला बिग बॉस मराठी कार्यक्रम?

Bigg Boss Marathi 3 : छोट्या पडद्यावरचा लोकप्रिय कार्यक्रम बिग बॉस मराठी सध्या चर्चेत आहे. पण या चर्चेचे कारण ठरले आहेत महेश मांजरेकर.

महेश_मांजरेकर

Bigg Boss Marathi 3 : 'बिग बॉस मराठी' हा कार्यक्रम सुरू झाल्यापासून महेश मांजरेकर या कार्यक्रमाच्या सूत्रसंचालकाची जबाबदारी सांभाळत आहेत. बिग बॉसचे तिसरे पर्व संपायला अवघे काही दिवस शिल्लक राहिले आहेत. अशातच महेश मांजरेकरांनी बिग बॉसच्या कार्यक्रमाचा निरोप घेतला आहे. तर सिद्धार्थ जाधव आता सूत्रसंचालकाच्या भूमिकेत दिसणार आहे. 

बिग बॉसच्या घरातून नुकतीच गायत्री दातार बाहेर पडली आहे. नुकत्याच झालेल्या बिग बॉसच्या चावडीत महेश मांजरेकर दिसले नाहीत. तर महेश मांजरेकरांची जागा सिद्धार्थ जाधवने घेतली होती. सिद्धार्थने चावडीचे रुपांतर कट्ट्यामध्ये केले होते. तसेच यापुढेदेखील चावडी न होता कट्टा होणार असल्याचे सिद्धार्थने कार्यक्रमादरम्यान स्पर्धकांना सांगितले. 

महेश मांजरेकर यांनी दिलेल्या माहितीनुसार, आरोग्याच्या कारणामुळे त्यांनी हा कार्यक्रम सोडला आहे. सध्या त्यांची तब्येत चांगली नसल्यामुळे त्यांना हा कार्यक्रम मध्येच सोडावा लागला आहे.  

मांजरेकरांची आता कर्करोगापासून झाली सुटका
महेश मांजरेकरांना अंतिम सिनेमाच्या शूटिंगच्या शेवटच्या काळात कर्करोग झाल्याचे समजले होते. त्यानंतर त्यांनी केमोथेरपी सुरू केली. दरम्यान त्यांनी 35 किलो वजन कमी केले. आता कर्करोगापासून सुटका झाल्याने मांजरेकरांना आनंद होत आहे. चित्रपटाच्या शूटिंगदरम्यान मांजरेकर केमीओथेरपी करत होते. पण चित्रपटाचे शूटिंग पूर्ण झाल्यानंतर त्यांनी सर्जरी केली. आवडीचं काम करत असल्याने मांजरेकरांना शूटिंग आणि कर्करोगावर मात करणं सोपं गेलं.

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi Official Page (@colorsmarathi)

मांजरेकरांचा आगामी सिनेमा 
'नाय वरनभात लोन्चा कोन नाय कोन्चा' हा सिनेमा 21 जानेवारीला प्रदर्शित होणार आहे. या चित्रपटाच्या पोस्टरने प्रेक्षकांची उत्सुकता ताणली गेली आहे. ज्येष्ठ नाटककार जयंत पवार यांनी लिहिलेल्या 'वरनभात लोन्चा नि कोन नाय कोन्चा' या कथेवर हा चित्रपट आधारित असून चित्रपटाची पटकथा व दिग्दर्शन अशी दुहेरी जबाबदारी महेश मांजरेकर यांनी सांभाळली आहे. सिनेमातील कलाकारांची नावे अद्याप गुलदस्त्यात आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha