Bigg Boss 18 : 90 च्या दशकात तरुणांना वेड लावणाऱ्या अभिनेत्रीची बिग बॉसमध्ये एन्ट्री, बिग बॉस 18 चा पहिला प्रोमो समोर
Bigg Boss News Season : बिग बॉसचा यंदाचा 18 वा सीझन 6 ऑक्टोबरपासून सुरु होत आहे. बिग बॉसच्या घरातील पहिल्या स्पर्धकाचा प्रोमो समोर आला आहे.
Bigg Boss 18 : छोट्या पडद्यावरील प्रसिद्ध आणि तितकाच वादग्रस्त शो बिग बॉस लवकरच सुरु होणार आहे. सलमान खानला पुन्हा एका होस्ट करताना पाहण्यासाठी चाहते आतुर आहेत. बिग बॉस 18 सीझन सुरु होण्याची चाहते आतुरतेने वाट पाहत आहेत. यंदा बिग बॉसच्या घरात कोणते सेलिब्रिटी येणार याकडे सर्वांचं लक्ष लागलं आहे. बिग बॉस 18 मधील पहिल्या सदस्याचा प्रोमो आऊट झाला आहे.
90 च्या दशकात तरुणांना वेड लावणारी अभिनेत्री
बिग बॉस 18 च्या घरातील सदस्याचा पहिला प्रोमो समोर आला आहे. 90 च्या दशकात तरुणांना वेड लावणाऱ्या अभिनेत्रीची बिग बॉसमध्ये एन्ट्री होणार आहे. बॉलिवूड अभिनेत्री शिल्पा शिरोडकरची बिग बॉसच्या घरात एन्ट्री होणार आहे. बिग बॉसने शिल्पा शिरोडकरचा प्रोमो शेअर करत तिच्या नावावर शिक्कामोर्तब केला आहे. बिग बॉसने शिल्पा शिरोडकरचा प्रोमो शेअर केला आहे, ज्यामध्ये तिला 90 मधील सेन्सेशनल क्वीन म्हटलं गेलं आहे.
बिग बॉस 18 चा पहिला प्रोमो समोर
बिग बॉसच्या नवीन सीझनची घोषणा झाल्यापासून अनेक सेलिब्रिटींच्या नावाची चर्चा होती. आता शिल्पा शिरोडकर बिग बॉसमध्ये जाणार हे कंन्फर्म झालं आहे. बिग बॉसने शेअर केलेल्या प्रोमोमध्ये अभिनेत्रीचा चेहरा दाखवण्यात आलेला नाही, पण तिच्या हातावरील टॅटू पाहूनही हे स्पष्ट होत आहे. शिल्पा शिरोडकरने 90 च्या दशकात अमिताभ बच्चन, मिथुन चक्रवर्ती आणि शाहरुख खान यांसारख्या दिग्गज कलाकारांसोबत काम केलं आहे. आता ती बिग बॉसच्या घरात धमाका करण्यासाठी सज्ज आहे.
View this post on Instagram
यासोबत बिग बॉसने आणखी एका स्पर्धकाचा प्रोमो व्हिडीओ शेअर केला आहे. दुसऱ्या प्रोमोमध्ये दिसणाऱ्या या स्पर्धकाला त्याच्या हक्काचे सर्व काही मिळवायचं आहे. ये रिश्ता क्या कहलाता है फेम अभिनेता शहजादा धामी बिग बॉस 18 च्या घरात एन्ट्री घेणार हे स्पष्ट झालं आहे. त्यामुळे आता, शिल्पा शिरोडकर आणि शहजादा धामी हे शोमधील पहिले दोन स्पर्धक ठरले आहेत.
View this post on Instagram
महत्त्वाच्या इतर बातम्या :
Bigg Boss Marathi : वर्षाताई घराबाहेर, आता अंकिताचा नंबर? सोशल मीडियावर जोरदार चर्चा; चाहते नाराज
महत्त्वाच्या बातम्या
ट्रेंडिंग न्यूज
