Bigg Boss 16 : अब्दु रोजिकला नॉमिनेट करणं सौंदर्याला पडलं महाग! चाहत्यांनी घेतली शाळा

Bigg Boss 16 : अब्दु रोजिकचे चाहते सौंदर्या शर्मावर चांगलेच नाराज झाले आहे.

Bigg Boss 16

Bigg Boss 16 : 'बिग बॉस 16' (Bigg Boss 16) सुरू झाल्यापासून सोशल मीडियावर चर्चेत आहे. नुकत्याच सुरू झालेल्या या पर्वातील पहिला एलिमिनेशन राऊंड लवकरच पार पडणार आहे. यासाठी वोटिंगदेखील सुरू झाले आहे. नुकत्याच समोर आलेल्या प्रोमोमध्ये स्पर्धक एकमेकांना नॉमेनेट करताना दिसत आहेत. दरम्यान अब्दु रोजिकला (Abdu Rozik) नॉमिनेट करणं सौंदर्याला (Soundarya Sharma) महाग पडलं आहे. 

नुकत्याच समोर आलेल्या प्रोमोमध्ये सौंदर्या शर्मा अब्दु रोजिकला नॉमिनेट केल्यामुळे माफी मागताना दिसत आहे. दरम्यान टीना दत्ता (Tina Dutta) आणि मान्या सिंहदेखील (Manya Singh) नॉमेनेट केलेल्या स्पर्धकांची माफी मागताना दिसून येत आहेत. आता स्पर्धकांना नॉमिनेट केल्यानंतर त्यांची माफी मागितल्यामुळए बिग बॉस त्यांना शिक्षा देणार आहे. 

'बिग बॉस 16'चा नुकताच समोर आलेला प्रोमो सध्या सोशल मीडियावर चांगलाच व्हायरल होत आहे. सौंदर्याने अब्दु रोजिकला नॉमिनेट केल्याने त्याचे चाहते नाराज झाले आहेत. प्रोमो व्हिडीओवर कमेंट्स करत ते नाराजी व्यक्त करत आहेत. 'अब्दु किती गोड आहे?.. आणि तू त्याला नॉमिनेट केलं?', 'सौंदर्याला बिग बॉसमधून बाहेर काढा', अशा कमेंट्स चाहते करत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

सौंदर्याने अब्दुला नॉमिनेट केल्याचं चाहत्यांना कळलं आहे. पण टीना दत्ता आणि मान्या सिंहने कोणाला नॉमिनेट केलं असेल याची चाहत्यांना उत्सुकता लागली आहे. 'बिग बॉस 16'च्या आगामी भागात टीना आणि मान्याने कोणाला नॉमिनेट केलं हे चाहत्यांना कळेल. 

अब्दु रोजिक कोण आहे?

अब्दु रोजिक हा ताजिकिस्तानी गायक आहे. वयाच्या पाचव्या वर्षापासून तो ग्रोथ हार्मोन या आजाराचा सामना करत आहे. आजवर अब्दुने आपल्या गाण्याने प्रेक्षकांच्या मनावर अधिराज्य गाजवले आहे. अब्दु राजिक त्याच्या युट्यूब चॅनलवर नेहमीच त्याच्या गाण्यांचे व्हिडीओ शेअर करत असतो. 'ओह दिली जोर' या गाण्यामुळे अब्दु रातोरात स्टार झाला आहे. जगभरात अब्दुने अनेक रेकॉर्ड केले आहेत. 

संबंधित बातम्या