Amruta Deshmukh And Prasad Jawade: पुण्याची टॉकरवडी अमृता देशमुख आणि प्रसाद जवादे यांचे पहिलं केळवण; खास व्हिडीओ शेअर करुन अभिनेत्री म्हणाली,'आजोबांनी वयाच्या 87 व्या वर्षी...'
Amruta Deshmukh And Prasad Jawade: नुकतेच प्रसाद आणि अमृताचे पहिले केळवण पार पडले. या केळवणाचा व्हिडीओ प्रसाद आणि अमृता यांनी सोशल मीडियावर शेअर केला आहे.
Amruta Deshmukh And Prasad Jawade: 'बिग बॉस मराठी'च्या (Bigg Boss Marathi) चौथ्या पर्वाच्या माध्यमातून अमृता देशमुख (Amruta Deshmukh) आणि प्रसाद जवादे (Prasad Jawade) ही जोडी प्रेक्षकांच्या भेटीस आली. या दोघांचा काही दिवसांपूर्वी साखरपुडा पार पडला. आता लवकरच हे दोघे लग्नबंधनात अडकणार आहेत. नुकतेच प्रसाद आणि अमृताचे पहिले केळवण पार पडले. या केळवणाचा व्हिडीओ प्रसाद आणि अमृता यांनी सोशल मीडियावर शेअर केला आहे.
प्रसाद आणि अमृता यांनी शेअर केलेल्या केळवणाच्या व्हिडीओमध्ये हे दोघे खास उखाणा घेऊन एकमेकांना घास खाऊ घालताना दिसत आहेत. अमृतानं व्हिडीओ शेअर करुन कॅप्शनमध्ये लिहिलं, 'आजोबांनी (आईच्या बाबांनी) वयाच्या 87 व्या वर्षी सगळं planning करून, भेटवस्तू, बुके ह्या सगळ्यांनी सजवून केळवणाला सुरवात केली..एवढं सगळं झाल्यावर मग "उखाणा घ्या" ह्या ऑर्डर ला नाकारणार कसं.'
पहिल्या केळवणाच्या वेळी अमृतानं उखाणा घेतला. नाटकाच्या प्रयोगांसाठी फिरते मी वणवण, प्रसादचं नाव घेते आजोबांनी केलं पहिलं केळवण”, असा उखाणा अमृतानं घेतला. अमृतानं उखाणा घेतल्यानंतर प्रसादनं देखील उखाणा घेतला.
प्रसादचा उखाणा- "कितीही वणवण फिरलीस तरी माझं चित्त फक्त तुझ्यापाशी, अमृताचं नाव घेतो आज केळवणाच्या दिवशी.”
पाहा व्हिडीओ:
View this post on Instagram
प्रसाद आणि अमृता यांनी केळवणासाठी खास लूक केला होता. अमृतानं ऑफ व्हाईट कलरची साडी आणि गोल्डन ज्वेलरी असा लूक केळवणासाठी केला होता.
अमृता देशमुख आणि प्रसाद जवादे हे 'बिग बॉस मराठी'च्या चौथ्या पर्वात सहभागी झाले होते. 'बिग बॉस'च्या घरात त्यांची चांगली मैत्री झाली. पुढे या मैत्रीचं रुपांतर प्रेमात झालं. आता दोघांचा विवाह सोहळा लवकरच पार पडणार आहे.
अमृता ही 'फ्रेशर्स' या मालिकेच्या माध्यमातून ती प्रेक्षकांच्या भेटीला आली. . पुण्याची टॉकरवडी म्हणून ती लोकप्रिय आहे. अमृता ही नियम व अटी लागू या नाटाच्या माध्यमातून प्रेक्षकांच्या भेटीस येते. तसेच प्रसादनं देखील अनेक मालिकांमध्ये काम केलं आहे.
इतर महत्वाच्या बातम्या:
Amruta Deshmukh And Prasad Jawade: अमृता देशमुख आणि प्रसाद जवादेचा रोमँटिक अंदाज; फोटोनं वेधलं लक्ष
महत्त्वाच्या बातम्या
