Sukh Mhanje Nakki Kay Asta : ‘सुख म्हणजे नक्की काय असतं’ मालिकेतून मीनाक्षीची एक्झिट, ‘ही’ अभिनेत्री साकारणार ‘देवकी’!
Sukh Mhanje Nakki Kay Asta : ‘सुख म्हणजे नक्की काय असतं’ या मलिकेत ‘देवकी’ हे पात्र साकारणारी अभिनेत्री मीनाक्षी राठोड आता या भूमिकेतून ब्रेक घेणार आहे.
Sukh Mhanje Nakki Kay Asta : स्टार प्रवाहवरील ‘सुख म्हणजे नक्की काय असतं’ (Sukh Mhanje Nakki Kay Asta) या मालिकेचं कथानक सध्या अनेक वळणं घेत आहे. या मालिकेतील ‘जयदीप’, ‘गौरी’, ‘माई’ ही सगळीच पात्र प्रेक्षकांना पसंत पडली आहेत. सध्या मालिकेत जयदीप आणि गौरीच्या आयुष्यात वादळ आलेलं पाहायला मिळतंय. एकीकडे गौरी आपल्यावर झालेल्या हल्ल्याचा बदला घेण्याचा विचार करतेय. तर, दुसरीकडे एक भलताच माणूस जयदीप बनून शिर्के-पाटलांच्या घरात शिरला आहे. या सगळ्यात आता एक अभिनेत्री मालिकेतून एक्झिट घेणार आहे.
‘सुख म्हणजे नक्की काय असतं’ या मलिकेत ‘देवकी’ हे पात्र साकारणारी अभिनेत्री मीनाक्षी राठोड आता या भूमिकेतून ब्रेक घेणार आहे. मीनाक्षी लवकरच आई होणार आहे. गर्भवती असतानाही मीनाक्षी या मालिकेच शूटिंग करत आहे. मात्र, आता बाळाच्या जन्माची वेळ जवळ आली आहे. बाळाच्या जन्मानंतर काही मीनाक्षीला त्याच्या संगोपनासाठी काही काळ मालिकेतून ब्रेक हवा होता. यामुळेच तिने आता मालिका सोडण्याचा निर्णय घेतला आहे.
‘ही’ अभिनेत्री साकारणार ‘देवकी’
मीनाक्षी राठोड जरी या भूमिकेतून ब्रेक घेत असली, तरी प्रेक्षकांना ही भूमिका मालिकेत पाहायला मिळणार आहे. ‘देवकी’च्या भूमिकेत आता एक नवी अभिनेत्री प्रेक्षकांच्या भेटीला येणार आहे. ‘अग्गबाई सासूबाई’ या मालिकेत ‘मॅडी’ची भूमिका साकारणारी अभिनेत्री भक्ती रत्नपारखी आता ‘देवकी’ साकारताना दिसणार आहे. ‘अग्गबाई सासूबाई’ या मालिकेतील भक्तीची भूमिका प्रेक्षकांना खूप आवडली होती. त्यामुळे आता या मालिकेत ‘देवकी’च्या भूमिकेतून पुन्हा एकदा प्रेक्षकांचे मनोरंजन करण्यास सज्ज झाली आहे.
मालिकेत सध्या काय सुरुये?
शिर्के-पाटलांच्या घरात असलेली गौरी ही खरी गौरी असल्याचे शालिनीला कळले आहे. माईंच्या बेडवर त्यांचं सोंग घेऊन झोपलेल्या शालिनीला गौरीच सगळं सत्य सांगते. मात्र, पुन्हा एकदा गौरीने शालिनीचा खेळ तिच्यावर उलटवला आहे. आता गौरीला मात्र देण्यासाठी शालिनीने नवी शक्कल शोधून काढली आहे. शालिनी आणि मानसी मिळून तोतया जयदीपला मानसीशी लग्न करण्यास सांगणार आहेत. तर, तोतया जयदीप हाच खरा जयदीप असल्याचे समजून माई आणि आबा त्याच्यावर रागवणार आहेत.
हेही वाचा :
PHOTO : ‘दरीदरीतून नाद गुंजला महाराष्ट्र माझा…’, रसिका सुनीलचा ‘महाराष्ट्र दिना’निमित्त खास मराठमोळा अंदाज!
युद्धपरीस्थितीतही युकेनमध्ये पोहोचली अँजेलिना जोली, लहान मुलांसह स्वयंसेवकांची घेतली भेट!
महत्त्वाच्या बातम्या
