Star Pravah Parivar Puraskar 2022 : ‘स्टार प्रवाह परिवार पुरस्कार 2022’ची धूम! रेड कार्पेटवर दिसला कलाकारांचा हटके अंदाज

Star Pravah Parivar Puraskar 2022 : पुरस्कार म्हटले की, डोळ्यासमोर येतो झगमगाट, कलाकारांची मांदियाळी.. असाच उत्सवाचा माहोल स्टार प्रवाह पुरस्कार सोहळ्यात पाहायला मिळणार आहे.

Star Pravah Parivar Puraskar 2022

Star Pravah Parivar Puraskar 2022 : मराठी परंपरा, मराठी प्रवाह हे ब्रीदवाक्य जपणाऱ्या ‘स्टार प्रवाह’ वाहिनीने प्रेक्षकांची मनं जिंकत नंबर वन हे बिरुद कायम ठेवलं आहे. दर्जेदार कार्यक्रमांच्या माध्यमातून रसिकांना मनोरंजनाची पर्वणी देणाऱ्या या वाहिनीवर लवकरच ‘स्टार प्रवाह परिवार पुरस्कार’ (Star Pravah Parivar Puraskar 2022) पाहायला मिळणार आहे. पुरस्कार म्हटले की, डोळ्यासमोर येतो झगमगाट, कलाकारांची मांदियाळी.. असाच उत्सवाचा माहोल स्टार प्रवाह पुरस्कार सोहळ्यात पाहायला मिळणार आहे.

स्टार प्रवाह परिवार पुरस्कारांचं हे दुसरं वर्ष आहे. मुलुंड येथील कालिदास नाट्यगृहामध्ये नुकताच हा रंगारंग सोहळा पार पडला. स्टार प्रवाहच्या कुटुंबातील सर्वच सदस्यांनी या खास सोहळ्याला हजेरी लावली होती. रेड कार्पेटवरचा कलाकारांचा हटके अंदाज लक्ष वेधणारा होता.

एरव्ही स्टार प्रवाहच्या लोकप्रिय मालिकांमधील या लोकप्रिय कलाकारांना त्यांच्या व्यक्तिरेखेमध्ये आपण भेटत असतो. पण, स्टार प्रवाह परिवार पुरस्काराच्या निमित्ताने या सर्व कलाकारांचा अनोखा अंदाज भाव खाऊन गेला. संजना, दीपा-कार्तिक, पल्लवी, अनिरुद्ध-अरुंधती यांच्या हटके फॅशनने सर्वांचेच लक्ष वेधून घेतले. आपल्या लाडक्या कलाकारांचा हा अनादाज पाहून प्रेक्षकांनाही सुखद धक्का बसला. रविवार 3 एप्रिलला संध्याकाळी 7 वाजता हा दैदिप्यमान सोहळा स्टार प्रवाह वाहिनीवर पाहायला मिळणार आहे.

सोहळा आनंदाचा, आपुलकीचा आणि कौतुकाचा!

परिवार असतो जिवाभावाचा, प्रेमाचा आणि विश्वासाच्या घट्ट नात्यांचा. जेव्हा सारे एकत्र येतात तेव्हा सोहळा होतो आनंदाचा, आपुलकीचा आणि कौतुकाचा. स्टार प्रवाहच्या कुटुंबाचा हा कौतुक सोहळा म्हणजे प्रेक्षकांसाठी मनोरंजनाची अनोखी पर्वणी असणार आहे. खुमासदार सूत्रसंचालन, धमाकेदार परफॉर्मन्सेस आणि विनोदी आतषबाजीने परिपूर्ण असा हा सोहळा रविवारी प्रेक्षकांना पाहायला मिळणार आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha