Amaal Malik On Industry Dark Side: वडील-चुलत्यांचं मोठं नाव, तरीही स्टारकीडला इंडस्ट्रीत मिळेना काम; खळबळजनक दावा करत म्हणाला, 'बॉलिवूडवाल्यांनी 60 फिल्म्समधून बाहेर काढलं...'
Amaal Malik On Industry Dark Side: सिनेसृष्टीतील नामांकित कुटुंबातून आलेल्या प्रसिद्ध गायकानं इंडस्ट्रीतील काही प्रभावशाली आणि अहंकारी व्यक्तींमुळे आपल्या करिअरमध्ये अनेक अडथळे निर्माण झाल्याचा दावा केला आहे.
Amaal Malik On Industry Dark Side: बॉलिवूडचं (Bollywood News) जग जेवढं झगमगतं, चमचमतं दिसतं, तेवढं ते प्रत्यक्षात नसतं, याची अनेक उदाहरणं आणि अनुभव इंडस्ट्रीतील दिग्गजांपासून अगदी ज्युनिअर आर्टिस्टपर्यंत अनेकांनी उघडपणे सांगितली आहे. आता याच यादीत एका प्रसिद्ध गायक (Famous Singer) आणि म्युझिक कंपोजरची (Music Composer) भर पडली आहे. महत्त्वाची गोष्ट म्हणजे, हा प्रसिद्ध गायक एक स्टारकीड आहे. पण, तरीसुद्धा त्याच्या वाट्याला इंडस्ट्रीत स्ट्रगलच आल्याचं तो सांगतो. यासंदर्भात त्यानं सोशल मीडियावर एक पोस्ट केली असून ही पोस्ट तुफान व्हायरल होत आहे.
सिनेसृष्टीतील नामांकित कुटुंबातून आलेल्या प्रसिद्ध गायकानं इंडस्ट्रीतील काही प्रभावशाली आणि अहंकारी व्यक्तींमुळे आपल्या करिअरमध्ये अनेक अडथळे निर्माण झाल्याचा दावा केला आहे. महत्त्वाची गोष्ट म्हणजे, मोठं आडनाव आणि घराणेशाहीचाही आपल्याला कोणताही फायदा झाला नसल्याचं त्यानं स्पष्ट सांगितलं आहे. गायकानं कोणाचंही नाव न घेता अनेक गंभीर आरोप केले आहेत. त्यानं सांगितलंय की, गेल्या काही वर्षांत त्याला अनेक सिनेमांमधून बाहेर काढण्यात आलं. तसेच, बॉलिवूडमध्ये काही विशिष्ट लोकांचा असा गट सक्रिय असून, तोच कलाकारांचं भविष्य आणि करिअर ठरवण्याचा प्रयत्न करतो, असंही त्यानं म्हटलं आहे. ज्या गायकानं ही खळबळ उडवून देणारी पोस्ट केलीय, तो गायक म्हणजे, अमाल मलिक. प्रख्यात भारतीय संगीत दिग्दर्शक, संगीतकार आणि अभिनेते डबू मलिक (Daboo Malik) यांचा मुलगा.
View this post on Instagram
अमाल मलिकनं इन्स्टाग्रामवर लांबलचक पोस्ट (Amaal Mallik Shares Lengthy Post On Instagram) लिहून आपल्या भावना व्यक्त केल्या आहेत. अमाल मलिकच्या आरोप करणाऱ्या पोस्टनंतर सोशल मीडियावर मोठी चर्चा रंगली आहे. रुपेरी पडद्यामागील ग्लॅमर आणि यशाच्या झगमगाटामागे कलाकारांना कोणत्या संघर्षांना सामोरं जावं लागतं, याविषयीही नव्यानं चर्चा सुरू झाली आहे. अनेक चाहत्यांनी या कलाकाराला पाठिंबा दर्शवत, त्याच्या आरोपांमागील सत्य जाणून घेण्याची उत्सुकता व्यक्त केली आहे.
लांबलचक पोस्टमध्ये अमाल मलिक नेमकं काय म्हणाला? (Amaal Malik Allegation Bollywood)
आपल्या इन्स्टा पोस्टमध्ये बोलताना अमाल मलिक म्हणाला की, "इंडस्ट्रीतील मोठ्या लोकांनी मला जवळपास 60 पेक्षा जास्त सिनेमांतून बाहेरचा रस्ता दाखवला. तर 20 सिनेमे मी स्वत:चं सोडले. कारण, तिथे काम करणं मला योग्य वाटलं नाही. एक संगीतकार म्हणून मला तिथे आदर मिळत नव्हता. पण मला याचा पश्चाताप नाही. कारण त्यांचं नुकसान झालं आहे. पण, या सगळ्याचा परिणाम कुठे ना कुठे तरी माझ्या चाहत्यांवरही पडतो. आणि यासाठीच मी त्यांची माफी मागतो. गेल्या 8 वर्षांपासून मी माझ्या परिने अत्यंत प्रामाणिकपणे काम करण्याचा प्रयत्न केला. पण, दुर्दैवाने त्याचा उपयोग झाला नाही"
"इंडस्ट्रीचं हे सत्य मी लपवू शकत नाही, हे काही लोकांना पटत नाही. त्यामुळे माझ्या कुटुंबीयांनाही धमक्या मिळतात. असे काही पॉवरफूल लोक आहेत ज्यांना मला त्यांच्या सिनेमाचा भाग बनू द्यायचं नाही. त्यांना मला कुठल्याच सिनेमाचा भाग होऊ द्यायचं नाही. मला कोणाचीही नाव घेऊन बदनामी करायची नाही. पण, एक दिवस देव स्वत:चं त्यांना त्यांची जागा दाखवेल. गेल्या 8 वर्षांपासून त्यांची ही कारस्थानं सुरू आहेत. आणि त्यामुळेच तुम्हाला मी सिनेमात कमी गाताना दिसतो. नेपोटिझमचाही काही फायदा होत नाहीये. त्यामुळे तुम्ही मला माफ करा. कोणत्या सिनेमात माझं गाणं आलं तर ठीक, नाही आलं तर काळजी करू नका", असंही अमाल मलिकनं म्हटलंय.
महत्त्वाच्या इतर बातम्या :
महत्त्वाच्या बातम्या
