Shriya Pilgaonkar : सरप्राईज! श्रियाची 'नवरा माझा नवसाचा-2' मध्ये खास भूमिका, म्हणाली, 'मी या सिनेमाचा भाग...'
Shriya Pilgaonkar : नवरा माझा नवसाचा-2 या सिनेमात श्रिया पिळगांवकर हिचा कॅमिओ रोल आहे. त्याविषयी श्रियाने नुकतीच पोस्ट केलीये.
Shriya Pilgaonkar in Navra Maza Navasacha 2 : सचिन पिळगांवकर (Sachin Pilgaonkar) दिग्दर्शित आणि निर्मित 'नवरा माझा नवसाचा-2' हा सिनेमा नुकताच प्रेक्षकांच्या भेटीला आला आहे. जवळपास 19 वर्षांनी 'नवरा माझा नवसाचा' या सिनेमाचा सिक्वेल प्रेक्षकांच्या भेटीला आला आहे. याही सिनेमात सचिन-सुप्रियाची एव्हरग्रीन जोडी प्रेक्षकांच्या भेटीला आली आहे. पण सुरुवातीपासूनच एक प्रश्न प्रेक्षकांना पडला होता. त्याच उत्तर स्वत: सचिन पिळगांवकर यांनी 'माझा कट्टा'वर दिलंही होतं. पण त्याचं उत्तर आता सोशल मीडियावरही प्रेक्षकांना मिळालं आहे.
नवरा माझा नवसाचा या सिनेमात सचिन पिळगांवकर यांच्या लेकीच्या भूमिकेत श्रियाला का घेतलं नाही? असा प्रश्न विचारण्यात येत होता. पण आता प्रेक्षकांना हा सिनेमा पाहताना एक सरप्राईज मिळालं आहे. कारण नवरा माझा नवसाचा या सिनेमात श्रिया पिळगांवकर हिचा कॅमिओ रोल आहे. त्याविषयी श्रियाने नुकतीच सोशल मीडियावर पोस्ट केली आहे.
श्रियाने पोस्टमध्ये काय म्हटलं?
श्रियाने तिच्या सोशल मीडियावर पोस्ट करत म्हटलं की, सरप्राईज! नवरा माझा नवसाचा-2 या सिनेमामधली माझी ही खास भूमिका. हा सिनेमा प्रदर्शित झाल्यापासूनच तुम्ही सर्वांनी दिलेल्या असंख्य प्रतिक्रिया आणि शेअर केलेले व्हिडीओ पाहूनच मला खूप छान वाटलंय. सिनेमातील दिग्गज कलाकारांसोबतच मी या आयकॉनिक सिक्वेलचा भाग नसणं हे केवळ अशक्यच आहे. गणपतीचं हे गाणं मला खूप आवडलंय. तसेच नऊवारीमध्ये माझ्या सुंदर आईसोबत नाचणं आणि माझ्या बाबांचं दिग्दर्शन हे माझ्यासाठी खूपच खास होतं. सिनेमाच्या यशाचा मला खूप अभिमान आहे. तुम्ही या सिनेमाला तो प्रतिसाद देताय, त्यासाठी खूप धन्यवाद... गणपती बाप्पा मोरया...! नवरा माझा नवसाचा -2 तुमच्या जवळच्या चित्रपटगृहांत...
श्रिया मुलीच्या भूमिकेत का नाही?
मुलीच्या भूमिकेसाठी श्रियाची निवड का केली नाही, असा प्रश्न सचिन पिळगांवकरांना माझा कट्टावर विचारण्यात आला होता. त्यावर उत्तर देताना त्यांनी म्हटलं की, मला या सिनेमात स्वप्नील जोशीला घ्यायचं होतं. तो या सिनेमात माझ्या जावयाची भूमिका करतोय. तोही मला माझ्या मुलासारखाच आहे. त्यामुळे श्रिया आणि त्याचं नातं हे बहिण भावासारखं आहे. म्हणून ते एकमेकांच्या अपोझिट भूमिकेत काम नाही करु शकत. त्यामुळे मी श्रियाला घेतलं नाही. तसंच जेव्हा या सिनेमाचं काम सुरु झालं, त्यावेळी तिच्याकडे खूप काम होतं, तिला वेळच नव्हता. म्हणून श्रियाला या सिनेमात घेतलं नाही.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
