Aapdi Thaapdi Trailer Out : ‘आमच्या फॅमिलीच्या पिक्चरचा ट्रेलर आलाय..’, श्रेयस तळपदेच्या ‘आपडी थापडी’चा ट्रेलर प्रेक्षकांच्या भेटीला!
Aapdi Thaapdi Trailer Out : बऱ्याच दिवसांपासून अभिनेता श्रेयस तळपदेच्या ‘आपडी थापडी’ या चित्रपटाची भरपूर चर्चा सुरु आहे. आता या चित्रपटाचा ट्रेलर रिलीज झाला आहे.
Aapdi Thaapdi Trailer Out : बऱ्याच दिवसांपासून अभिनेता श्रेयस तळपदेच्या (Shreyas Talpade) ‘आपडी थापडी’ (Aapdi Thaapdi) या चित्रपटाची भरपूर चर्चा सुरु आहे. आगामी बहुचर्चित ‘आपडी थापडी’ या चित्रपटाचा ट्रेलर नुकताच लाँच करण्यात आला. ट्रेलरमधूनच चित्रपट मनोरंजक असल्याचं कळत असल्यानं 5 ऑक्टोबरला दसऱ्याच्या मुहूर्तावर या चित्रपटाचा सहकुटुंब चित्रपटगृहात आनंद घेता येणार आहे.
अतिशय कंजुष स्वभाव असलेला सखाराम पाटील अर्थात श्रेयस तळपदे (Shreyas Talpade), त्याची पत्नी अर्थात मुक्ता बर्वे (Mukta Barve) आणि त्यांची मुलगी असं पाटील कुटुंब या चित्रपटाच्या केंद्रस्थानी आहे. असा एक प्रसंग घडतो आणि काय धमाल होते याची गोष्ट चित्रपटात आहे. ट्रेलर तर धमाकेदार आहेच. पण, आता उत्सुकता आहे की पिंकू नक्की आहे तरी कोण?
पाहा ट्रेलर
काय आहे चित्रपटाचं कथानक?
अतिशय कंजुष स्वभाव असलेला सखाराम पाटील अर्थात श्रेयस तळपदे, त्याची पत्नी अर्थात मुक्ता बर्वे आणि त्यांची मुलगी असं पाटील कुटुंब या चित्रपटाच्या केंद्रस्थानी आहे. सखाराम पाटीलच्या कंजुषीची उदाहरणं चित्रपटाच्या टीजरमध्ये आपल्याला पाहता येतात. पण या बरोबरच या कथेला एक भावनिक किनार असल्यांचही टीजरमधून दिसतं. त्यामुळे टीझर पाहून पडणाऱ्या प्रश्नांची उत्तरं शोधण्यासाठी आपल्याला दसऱ्याची वाट पाहावी लागणार आहे. आता उत्सुकता आहे ती चित्रपटाच्या ट्रेलरची. 'आपडी-थापडी' ही एक मनोरंजक कथा सहकुटुंब चित्रपटगृहात पाहता येईल.
प्रेक्षकांना मिळणार मनोरंजनाची मेजवानी
सर्वच कलाकारांचा उत्तम अभिनय, दमदार कथा आणि तांत्रिकदृष्ट्याही परिपूर्ण असलेला हा चित्रपट सर्वच प्रेक्षकांचं पुरेपूर मनोरंजन करेल यात शंका नाही. येत्या 5 ऑक्टोबरला दसऱ्याच्या मुहूर्तावर प्रदर्शित होणारा हा चित्रपट सहकुटुंब चित्रपटगृहात जाऊन पाहता येणार आहे.
के सायलेंटच्या केसी पांडे यांची निर्मिती आणि प्रस्तुती असलेल्या 'आपडी थापडी' या चित्रपटाचं दिग्दर्शन आनंद करीर यांचं आहे. सुनीला करीर आणि आनंद करीर यांनी चित्रपटाचं लेखन केलं आहे. श्रेयस तळपदे आणि मुक्ता बर्वे यांच्यासह नंदू माधव, संदीप पाठक, नवीन प्रभाकर, खुशी हजारे अशी दमदार स्टारकास्ट या चित्रपटात आहे. तर सुमन साहू यांनी चित्रपटाचं छायांकन आहे. 'फॅमिलीचा चित्रपट बघा फॅमिली बरोबर' अशी टॅगलाईन असलेल्या या चित्रपटात पाटील कुटुंबाची एक मजेशीर गोष्ट उलगडली आहे.
वाचा इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
