Shiva Zee Marathi Serial Track : आशु, नेहाची लग्न पत्रिका पाहून शिवा खुश; लग्न होणार की, शिवा लग्नात धुमाकूळ घालणार?
Shiva Zee Marathi Serial Track : 'शिवा' मालिकेचं कथानक अत्यंत रंजक वळणावर येऊन पोहोचलं आहे. त्यामुळे येत्या काही दिवसांत शिवा धुमाकूळ घालणार आणि आशुच्या मनात स्वतःबद्दलचं प्रेम निर्माण करणार?
Shiva Zee Marathi Serial Track : 'शिवा' मालिकेत आशु आणि शिवाच्या नात्यात दुरावा आला असून आता आशुनं नेहासोबत लग्नाला मागचं सगळं विसरुन होकार दिला आहे. त्यामुळे आता मालिकेत आशु आणि नेहाच्या लग्नाची लगीनघाई सुरू झाली आहे. लवकरच आशु आणि नेहाच्या लग्नाची शहनाही वाजताना दिसणार आहे. सीताई आणि किर्ती खुश आहेत, पण रामभाऊ, लक्ष्मण आणि उर्मिला नाराज आहेत. पण जे चाललंय, त्यामुळे शिवा प्रचंड खूश आहे. तिला कोणतीच भिती वाटत नाही, कारण तिचं म्हणणं आहे की, आता तर तिच्याबद्दलच्या भावना आशुला आणखी तीव्रतेनं जाणवतील.
शिवाचं म्हणणं आहे की, आशु काय करतोय, हे त्याचं त्याला कळत नाहीये, पण मला माहितीय, आता हळू हळू माझ्याबद्दलच्या त्याच्या मनात असलेल्या भावना अजून छान प्रकारे त्याला जाणवतील. शिवा, मांजा आणि इतर सगळ्यांना बजावते की, आशुशी नीट वागायचं. या सगळ्यात दिव्या, शिवाला आणि नेहाला एकत्र बघते. इकडे रामभाऊ शिवाकडे जाऊन तिच्यासाठी काही करू शकत नाहीत म्हणून तिची माफी मागतात. शिवा आणि पाना गँग मिळून रामभाऊंची समजूत काढतात.
दरम्यान रस्त्यावर एक बाई आजारी पडलेय शिवा आणि आशु मिळून तिला वाचवतात. आशुच्या लग्नाची पत्रिका छापून येते. मंदिरात पत्रिका ठेवायच्या वेळेस आशु, सीताई , शिवा समोरासमोर येणार आहेत. याच दरम्यान, किर्तीच्या चुकीमुळे तिकडे एक भांडण होतं, त्यातला एकजण सीताईच्या अंगावर जातो, मग मात्र शिवा त्याला धडा शिकवते. इकडे नेहा मुद्दाम शिवानं केलेल्या सर्व गोष्टी आशुसाठी करते. ज्यामुळे आशुला शिवाची अजूनच आठवण येते. दुसरीकडे चंदन दिव्याच्या पैशांचा सोर्स शोधतो. दिव्या आणि किर्ती मिळून शिवाची नाचक्की करण्याचा अजून एक प्रयत्न करतात, पण शिवा तो हाणून पाडते.
दरम्यान, आता मालिकेचं कथानक अत्यंत रंजक वळणावर येऊन पोहोचलं आहे. त्यामुळे येत्या काही दिवसांत शिवा धुमाकूळ घालणार आणि आशुच्या मनात स्वतःबद्दलचं प्रेम निर्माण करणार? की, आशु आणि नेहाचं लग्न होणार? हे पाहणं महत्त्वाचं ठरणार आहे.
महत्त्वाच्या इतर बातम्या :
महत्त्वाच्या बातम्या
