Savalyachi Janu Savali Serial Track: सारंगनं, सावलीसाठी तिल्लोत्तमावर चढवला आवाज; देवा, सावलीच कनेक्शन नेमकं काय?
Savalyachi Janu Savali Marathi Serial Track : 'सावळ्याची जणू सावली' मालिकेत सावलीच्या सहगायिका म्हणून काम करण्याबाबत मत घेण्यात येतं, आणि सारंगचं सावलीच्या बाजूनं असलेलं मत निर्णायक ठरतं.
Savalyachi Janu Savali Marathi Serial Track : 'सावळ्याची जणू सावली' (Savalyachi Janu Savali) मालिका एका रंजनक वळणावर येऊन पोहोचली आहे. अनावधानानं आणि कटकारस्थानं रचून सावली आणि सारंगचं लग्न लागलं. पण, तरीसुद्धा गेल्या काही भागांत दोघंही ते नातं निभावण्याचा प्रयत्न करत आहेत. अशातच आता दोघांचं नातं काहीसं बदलताना दिसणार आहे. सारंग सावलीची बाजू घेत, त्याची आई तिल्लोत्तमावर आवाज चढवतो. सारंग तिल्लोत्तमासोबत सावलीसाठी भांडणार आहे, या विचारानं आता पुढे काय होणार? याची उत्सुकता साऱ्यांनाच लागून राहिली आहे.
'सावळ्याची जणू सावली' मालिकेत सावलीच्या सहगायिका म्हणून काम करण्याबाबत मत घेण्यात येतं, आणि सारंगचं सावलीच्या बाजूनं असलेलं मत निर्णायक ठरतं. त्यामुळे तिलोत्तमाचा राग अनावर होणार आहे. तर सारंग आईला समजावण्याचा प्रयत्न करतो, सारंग सावलीची माफी मागण्यासाठी धडपडतोय. दरम्यान, हळदी-कुंकवाच्या कार्यक्रमाच्या तयारीला सुरुवात झाली आहे, पण कुटुंबीयांमध्ये तणाव आहे. सारंग सावलीला एका कॅफेमध्ये नेऊन माफी मागण्याचा प्रयत्न करतो. मात्र, तिलोत्तमाला हे समजल्यावर ती कॅफेमध्ये जाऊन वाद घालते. ती सावलीला सारंगच्या आयुष्यातून कायमची निघून जाण्यासाठी कोऱ्या चेकचा प्रस्ताव देते. यावेळी सारंग प्रथमच आईवर आवाज चढवणार आहे.
मकरसंक्रांतीच्या दिवशी, जगन्नाथ सावलीच्या घरी एका वाईट हेतूने भेट देतो. ज्यामुळे त्याचा आणि सारंगचा मोठा वाद होणार आहे. कुटुंबातील तणाव तेव्हा वाढतो, जेव्हा जयंती आणि सखा सावलीसाठी भेटवस्तू घेऊन येतात. जयंती ठामपणे सांगते की, सावलीनं सारंगच्या खोलीत राहावं. इकडे सारंग सावलीची मनापासून माफी मागतो आणि तिचा विश्वास जिंकतो. त्यानंतर, देवा आणि सावली यांची पहिली भेट होणार आहे. पण त्यांच्यात तात्काळ एक विशेष नातं निर्माण होतं. बोलता बोलता देवाला सावली आपली लहान बहीण असल्यासारखी वाटू लागते, तर सावलीला देवामध्ये एक उबदार आपलेपण जाणवतं. त्या दोघांमध्ये अगदी क्षणात गोड संवाद तयार होतो, जणू नशिबानंच त्यांना एकमेकांसाठी जोडून ठेवलं होतं.
दरम्यान, काय आहे देवा आणि सावलीच कनेक्शन ? जयंती आणखीन काय गोंधळ घालणार? याची उत्तरं येत्या काही भागांमध्ये मिळणार आहेत.
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
