Shaitaan OTT Release : तो आता घरी येतोय! बॉक्स ऑफिस गाजवल्यानंतर 'शैतान' ओटीटीसाठी सज्ज, कधी आणि कुठे पाहाल सिनेमा?
Shaitaan OTT Release : अजय देवगनचा यंदाच्या वर्षातला सुपरहिट सिनेमा शैतान आता ओटीटीवर रिलीज होण्यासाठी सज्ज झालाय. कधी आणि कुठे पाहाल हा सिनेमा सविस्तर जाणून घेऊयात.
Shaitaan OTT Release : बॉलीवूड सुपरस्टार अजय देवगण (Ajay Devgan) त्याच्या दमदार अभिनयामुळे आणि हिट चित्रपटांमुळे कायमच प्रेक्षकांच्या मनावर राज्य करतो. 'दृश्यम 2' (Drishyam 2) नंतर, तो अलीकडेच विकास बहलच्या 'शैतान' (Shaitaan) मधून प्रेक्षकांच्या भेटीला आला होता. असं म्हटलं जातंय की, हा सिनेमा 2023 मध्ये आलेल्या वश या गुजराती सिनेमाचा रिमेक आहे. देवगण फिल्म्स, जिओ स्टुडिओ आणि पॅनोरमा स्टुडिओजने या चित्रपटाची निर्मिती केलीये. या सिनेमात अजय देवगण (Ajay Devgan), ज्योतिका (Jyotika) आणि आर माधवन (R Madhavan) यांनी ती भूमिका साकारली आहे.
शैतानची गोष्ट प्रेक्षकांना बरीच भावली. बॉक्स ऑफिस गाजवल्यानंतर आता हा सिनेमा ओटीटीवर प्रदर्शित होण्यासाठी सज्ज झालाय. नुकतीच शैतानच्या ओटीटी रिलीजची तारखही समोर आलीये. बॉक्स ऑफिसवर दमदार फरफॉर्मन्स करत 137 कोटींची कमाई आतापर्यंत केली आहे. त्यामुळे या सिनेमाची प्रेक्षक ओटीटीवर वाट पाहत आहेत.
'शैतान' ओटीटीवर कधी होणार रिलीज?
अलिकडे आलेल्या वृत्तानुसार, शैतानसारखे हिट चित्रपट सहसा दोन महिन्यांनी ओटीटीवर रिलीज होतात. त्यामुळे शैतान मे महिन्यात ओटीटीवर रिलीज होऊ शकतो. असं सांगण्यात येत आहे की, या सिनेमाचे राईट्स नेटफ्लिक्सने विकत घेतले असून 3 मे रोजी शैतान ओटीटीवर रिलीज होणार आहे. पण याबाबत अद्याप कोणतीही अधिकृत घोषणा करण्यात आली नाहीये.
'शैतान'चं बॉक्स ऑफिस कलेक्शन
शैतानचा अजूनही बॉक्स ऑफिसवरचा वेग मंदावला नाहीये. रिलीजनंतर तिसऱ्या आठवड्यातही हा सिनेमा चांगली कमाई करत असल्याचं पाहायला मिळतंय. शुक्रवार 22 मार्च रोजी या चित्रपटाने 22 मार्च रोजी या सिनेमाने 1.60 कोटींची कमाई केली. या सिनेमाने बॉक्स ऑफिसवर जवळपास 137 कोटी रुपयांची कमाई केली आहे. त्याचप्रमाणे वर्ल्डवाईड या सिनेमाने जवळपास 195 कोटी रुपये कमावले आहेत.
View this post on Instagram
ही बातमी वाचा :
महत्त्वाच्या बातम्या
