किती ओव्हर अॅक्टींग! बायको - मुलीला पाहून किंचाळल्याने सागर कारंडे होतोय ट्रोल, प्रोमो पाहताच नेटकऱ्यांच्या कमेंटस 

पत्नी आणि मुलीला पाहून सागर भावनिक झालेला दिसतो. हा व्हिडिओ समोर येताच अनेक नेटकऱ्यांनी गरजेपेक्षा जास्त दिलेल्या रिएक्शनला ट्रोल करताना दिसत आहेत

Sagar Karande

Source : ABPLIVE AI

Bigg Boss Marathi 6: बिग बॉस मराठीचा सहावा (bigg Boss Marathi 6) सीजन सध्या चर्चेत आहे तो फॅमिली वीकमुळे. 70 दिवस घरच्यांपासून वेगळं राहिलेल्या स्पर्धकांना त्यांच्या घरातील सदस्य भेटायला आले होते. त्यामुळे घरातील वातावरण भावनिक झाल्याचं दिसलं. प्रत्येक जण आपल्याजवळच्या माणसाला बघून आनंदी झाला होता. संकेत पाठक ,दिपाली सय्यद ,प्रभू शेळके यांचे कुटुंबीय घरात आल्यानंतर सागर कारंडेची पत्नी आणि मुलगी त्याला सरप्राईज देण्यासाठी बिग बॉसच्या घरात आले होते. बिग बॉसच्या घरातील एका प्रोमोमध्ये सागरची रिॲक्शन कैद झालीय. (Sagar Karande) आपल्या बायकोला आणि मुलीला अचानक स्टोअर रूममध्ये पाहिल्यानंतर सागर कारंडे जोरात किंचाळल्याच दिसतं.  नंतर पत्नी आणि मुलीला पाहून सागर भावनिक झालेला दिसतो. हा व्हिडिओ समोर येताच अनेक नेटकऱ्यांनी गरजेपेक्षा जास्त दिलेल्या रिएक्शनला ट्रोल करताना दिसत आहेत.

नेमकं काय घडलं बिग बॉसच्या घरात ?

बिग बॉसच्या घरातील समोर आलेल्या एका प्रोमोमध्ये बिग बॉस सागरला स्टोअर रूममधून माईक बदलायला सांगतात . स्टोअररूममध्ये जाताच सागरच्या समोर त्याची पत्नी आणि मुलगी त्याला सरप्राईज देण्यासाठी थांबलेल्या दिसतात. त्यांना अचानक पाहून सागर मोठ्याने किंचाळतो. अचानक ओरडतो आणि नंतर त्याला रडू आवरत नाही. सागरला पाहून त्याची पत्नी आणि मुलगी ही रडू लागतात. सागरच्या पत्नी आणि मुलीचे स्वागत करण्यासाठी टोळी गॅंगमधील सदस्य संकेत पाठक, अनुश्री, विशाल खास डान्स करताना दिसतात. पण अनेक जण हा व्हिडिओ पाहून सागरला ट्रोल करत असल्याचा दिसतय.

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

प्रेक्षकांनी केलं सागरला ट्रोल

बायको आणि मुलीला बघून किंचाळल्यानंतर सागर सोशल मीडियावर ट्रोल होतोय. अनेकांनी प्रोमो पाहून त्याच्या एनर्जीचा कौतुकही केलंय . तर काहींनी ' अरे किती नाटक करतोय ' बायकोबरोबर घरी जा ', 'रडला ते एक वेळ ठीक आहे पण ज्या पद्धतीने ओरडला मी एकदम दचकलो ' भूत पहिला सारखं का ओरडताय 'असं म्हणत अनेकांनी सागरला टोल केलंय. तर काहींनी त्याची बाजूही घेतली. इतक्या दिवसांनी घरच्यांना भेटल्यानंतर सहाजिक आहे असं काही जण म्हणालेत.