![ABP Premium](https://cdn.abplive.com/imagebank/Premium-ad-Icon.png)
Second Hand : 'सेकंड हँड' चित्रपटातून सचिन दुबाले पाटील यांचं दिग्दर्शकीय पदार्पण, सक्षम कुलकर्णी दिसणार प्रमुख भूमिकेत!
पोस्टरमध्ये दोन हातांनी मिळून झालेल्या बदामाच्या आकृतीमुळे हा चित्रपट प्रेमाविषयी असण्याचा अंदाज आहे. मात्र, चित्रपटाचं पोस्टर लक्षवेधी आहे.
![Second Hand : 'सेकंड हँड' चित्रपटातून सचिन दुबाले पाटील यांचं दिग्दर्शकीय पदार्पण, सक्षम कुलकर्णी दिसणार प्रमुख भूमिकेत! Sachin Dubale Patil's directorial debut in 'Second Hand', Saksham Kulkarni will be seen in the lead role Second Hand : 'सेकंड हँड' चित्रपटातून सचिन दुबाले पाटील यांचं दिग्दर्शकीय पदार्पण, सक्षम कुलकर्णी दिसणार प्रमुख भूमिकेत!](https://feeds.abplive.com/onecms/images/uploaded-images/2022/02/16/3f9d5f324f42838eee222842ecd6ad79_original.jpg?impolicy=abp_cdn&imwidth=1200&height=675)
Marathi Movie : चित्रपट दिग्दर्शित करण्याचं अनेकांचं स्वप्न असतं. त्यानुसार आतापर्यंत अभिनेते, संगीतकार, सिनेमॅटोग्राफर,संकलकांनी चित्रपट केल्याचा इतिहास आहे. त्यात आता कार्यकारी निर्मात्याचीही भर पडत आहे. अर्धा डझन चित्रपटांसाठी कार्यकारी निर्माता म्हणून काम केल्यानंतर, सचिन दुबाले पाटील आता दिग्दर्शकाच्या खुर्चीत बसण्यासाठी सज्ज आहेत. ‘सेकंड हँड’ (Second Hand) या चित्रपटातून ते त्यांचा दिग्दर्शकीय प्रवास सुरू करत आहेत.
ब्रदर्स एंटरटेन्मेंट ही निर्मिती संस्था ‘सेकंड हँड’ या चित्रपटाची निर्मिती करत आहे. चित्रपटाची कथा सचिन-विष्णू यांची असून, लेखन डॉक्टर भालचंद्र गायकवाड, अमित बेंद्रे यांचे आहे. अभिनेता सक्षम कुलकर्णी या चित्रपटात महत्त्वाच्या भूमिकेत झळकणार आहे. "विषय आता खोलात जाणार..." अशी या चित्रपटाची टॅगलाईन आहे.
पोस्टरमध्ये दोन हातांनी मिळून झालेल्या बदामाच्या आकृतीमुळे हा चित्रपट प्रेमाविषयी असण्याचा अंदाज आहे. मात्र, चित्रपटाचं पोस्टर लक्षवेधी आहे.
मुळचे बीडचे असलेले सचिन दुबाले पाटील कामाच्या शोधात पुण्यात आले. कॉफी शॉपमध्ये काम करायला सुरुवात केली. काम करताना चित्रपटक्षेत्रातील काही जणांशी त्यांची मैत्री झाली. त्यांच्याकडून चित्रपटाविषयी माहिती मिळायला लागली. ‘बुममॅन’ म्हणून चित्रपट क्षेत्रात काम सुरू झाल्यावर पुढे कार्यकारी निर्माता म्हणून आठ ते दहा चित्रपट केले. ‘आटपाडी नाइट्स’, ‘अबक’, ‘हेडलाईन’, ‘बाजार’, ‘खिचिक’ असे उत्तमोत्तम चित्रपट कार्यकारी निर्माता म्हणून त्यांच्या नावावर आहेत.
चित्रपट क्षेत्रात प्रवेश केल्यावर वेगवेगऴ्या दिग्दर्शकांबरोबर काम करायला मिळालं. त्यांचं काम पाहताना माझ्याही मनात दिग्दर्शन करण्याचा विचार आला. त्यासाठी आधी चित्रपटाचं तंत्र नीट समजून घ्यायचं ठरवलं. त्यानुसार आता ‘सेकंड हँड’ या चित्रपटातून पहिल्यांदाच दिग्दर्शन करत आहे. घरची चित्रपट क्षेत्राची पार्श्वभूमी नसताना या क्षेत्रात प्रवेश झाला आणि चित्रपट दिग्दर्शनापर्यंत येऊन पोहोचलो, याचा आनंद आहे, अशी भावना सचिन दुबाले पाटील यांनी व्यक्त केली.
हेही वाचा :
- Bachchan Pandey : खिलाडी अक्षय कुमारच्या 'बच्चन पांडे'चे नवे पोस्टर प्रदर्शित, ट्रेलर 'या' दिवशी होणार प्रदर्शित
- Jersey Release Date : शाहिद कपूरचा 'जर्सी' सिनेमा 14 एप्रिलला होणार प्रदर्शित
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)