RJ Sumit Suffered From Kidney Disease: 'माझ्या किडन्या शट डाऊन झालेल्या...'; आरजे सुमितची गंभीर आजारावर मात, म्हणाला, 'डॉक्टरांनी सांगितलेलं, अचानक मृत्यू होईल'
RJ Sumit Suffered From Kidney Disease: सुमितनं आरोग्याच्या मोठ्या गंभीर समस्यांवर मोठ्या धैर्यानं मात केलीय. अशातच आता सुमितनं त्याला नेमकं काय झालेलं, याबद्दल पोस्ट शेअर करत माहिती दिली आहे.
RJ Sumit Suffered From Kidney Disease: सुप्रसिद्ध आरजे आणि सोशल मीडिया इन्फ्लुएन्सर सुमित (RJ Sumit) गेल्या काही दिवसांपासून आजारी होता, हे आपल्या सर्वांनाच माहीत आहे. आरजे सुमित स्वतःच आपल्या आजारपणाबाबतचे व्हिडीओ त्याच्या इन्स्टा हँडलवरुन शेअर करत होता. पण, सुमितला नेमकं झालेलं काय? याबाबत त्याच्या फॉलोअर्ससोबतच सर्वांनाच पडलेला. सुमितच्या प्रकृतीत सुधारणा झाली असली तरी, अजूनही त्याला आरामाची गरज आहे. सुमितनं आरोग्याच्या मोठ्या गंभीर समस्यांवर मोठ्या धैर्यानं मात केलीय. अशातच आता सुमितनं त्याला नेमकं काय झालेलं, याबद्दल पोस्ट शेअर करत माहिती दिली आहे. त्यानं व्हिडीओ शेअर केला असून "तुमच्या प्रेमामुळे आज मी जिवंत आहे...", असं कॅप्शन लिहिलंय.
आरजे सुमितनं त्याच्या इन्स्टा हँडलवरुन एक व्हिडीओ शेअर केलाय. या व्हिडीओमध्ये त्यानं त्याला झालेल्या आजाराबाबत सांगितलं आहे. सुमितची प्रकृती अत्यंत गंभीर झालेली. एकवेळ अशी आलेली की, सुमितच्या जगण्याची गॅरेंटी डॉक्टरांनी दिली नव्हती, असं स्वतः सुमितनं व्हिडीओमध्ये बोलताना सांगितलं आहे.
View this post on Instagram
इन्स्टावर शेअर केलेल्या व्हिडीओमध्ये आरजे सुमित नेमकं काय म्हणालाय?
सुमित इन्स्टाग्रामवर व्हिडीओ शेअर करत म्हणाला की, "भरपूर लोकांनी मला विचारलं की, तुला काय झालं होत? माझ्या किडन्या शट डाऊन झाल्या होत्या. कारण माझं पोट्याशिअम लेव्हल 6.5 झालं होत, क्रॅटिन्ग लेव्हल 23.5 झालं होत. 1.2 हे नॉर्मल असतं. 5-6 जरी क्रिएटिव्ह लेव्हल असेल तरी पेशन्ट कोमात जातो, असं डॉक्टरांनी सांगितलं होत. आणि माझं तर 23.5 इतकं वर गेलंय त्यामुळे जगण्याची गॅरेंटी दिली नव्हती. त्यामुळे डॉक्टरांनी त्वरित डायलेसिस करण्यास सांगितलं. माझ्या 4 डायलेसिस झाल्या 1 बायोप्सी झाली. त्यानंतर माझे रिपोर्ट्स नॉर्मल आहेत. डिहायड्रेशनमुळे माझी किडनी ड्राय झाली होती. आणि किडनीच्या ट्यूबमध्ये जखम झाली असल्यामुळे ते ब्लॉक झालं होत. युरीन पास होत नव्हतं आणि झालंच तरी त्यातून रक्त जात होतं. किडनी फिल्टर करत नव्हती म्हणून इमर्जन्सीमध्ये डायलेसिस केलं गेलं. 23.5 म्हणजे पेशंट गेल्यात जमा असतो..."
पुढे बोलताना आरजे सुमितनं सांगितलं की, "मला डॉक्टरांनी सांगितलेलं की, आताच्या आता डायलेसिस नाही केलं तर, कोमात जाऊ शकतो, नाहीतर अचानक मृत्यू होईल. पण, देवाची कृपा, आई-वडिलांची पुण्याई आणि तुमच्या सगळ्यांचं प्रेम यामुळे सगळ्यातून बाहेर आलोय.माझं वजन कमी झालंय, पथ्य आहे भरपूर. मला फक्त एवढंच म्हणायचंय की, जेव्हा तुम्हाला त्रास होत असेल तेव्हा फक्त ब्लड टेस्ट न करताना किडनीसुद्धा तपासली पाहिजे. तुमचं हेच प्रेम आणि आशीर्वाद कायम माझ्यासोबत राहूदे.' असं म्हणत सुमितने सर्वांचे आभार मानले आहेत. हा व्हिडिओ शेअर करत सुमितनं, 'तुमच्या प्रेमामुळे आज मी जिवंत आहे...", असं कॅप्शन लिहिलं आहे.
महत्त्वाच्या इतर बातम्या :
महत्त्वाच्या बातम्या
