Ravi Kishan Loses 18 Kg: नेटकऱ्यांमध्ये चर्चेत राहणार्या रवि किशनने घटवलं 18 किलो वजन, अभिनेत्याने रिव्हिल केलं आपलं डाएट सिक्रेट
Ravi Kishan Loses 18 Kg: रवि किशनने मुलाखतीत 18 किलो वजन कमी केलं असल्याचं सांगितलं.
Ravi Kishan Loses 18 Kg at 57: प्रसिद्ध अभिनेता आणि खासदार रवि किशन (Ravi Kishan) सध्या सोशल मीडियावर (Social Media) प्रचंड चर्चेत आहे. त्यांचे व्हिडीओ आणि फोटो सोशल मीडियात व्हायरल होत आहे. ते बऱ्याचदा कोणत्या न कोणत्या कारणामुळे चर्चेत असतात. यावेळी त्यांची चर्चा फिल्म, वेब सिरीज किंवा राजकीय वक्तव्यांमुळे नाही तर, जबरदस्त बॉडी ट्रान्सफॉर्मेशनमुळे होत आहे. 57 वर्षीय रवि किशन यांनी खुलासा केला की, केवळ डाएट आणि व्यायामाने 18 किलो वजन घटवलं. रवि किशन यांनी नेमकं कसं वजन घटवलं? जाणून घेऊयात.
'लापता लेडीज' या सिनेमासाठी वाढवलेलं वजन (Ravi Kishan Weight loss journey)
हिंदुस्तान टाइम्सच्या रिपोर्ट्सनुसार, रवि किशन यांनी सांगितलं होतं की, त्यांचं वजन 90 किलोपर्यंत पोहोचलं होतं. आता त्यांनी वजन घटवलं आहे. त्यांचं वजन आता 78 किलो इतकं आहे. आपल्या वजनाबद्दल बोलताना रवि किशन म्हणाले की, 'माझं वजन 90 किलोपर्यंत पोहोचलं होतं. आता वजन घटवून मी 72 किलोपर्यंत आणलं आहे. मी माझ्या बॉडीला आता तयार करत आहे. मस्कुलर बॉडी तयार करत आहे. तसेच साइज कमी करत आहे. मी माझ्या खाण्या पिण्याच्या पद्धतीत बदल आणत आहे. मी असं करुन 18 किलो वजन घटवलं', असं रवि किशन म्हणाले.
पन्नाशीत फिट राहणं सोपं नाही...
रवि किशन म्हणाले की, 'लापता लेडीज या सिनेमासाठी मला धिप्पाड दिसायचे होते. मिर्जापूर: द मुव्हीमध्ये मी थोडं बारीक दिसेन. तर, नागजिलामध्ये माझी बॉडी सुपरफिट दिसत होती. जेव्हा तुम्ही पन्नाशीत प्रवेश करता, तेव्हा फिट राहणं सोपं नसतं. पण खाण्या पिण्यावर कंट्रोल केल्याने सगळं काही शक्य आहे. कारण 70-80 टक्के हे आपल्या डाएटवर अवलंबून असतं. बाकी आपलं व्यायामावर डिपेंड असते', असं रवि किशन म्हणाले.
रवि किशन यांनी सांगितला आपला डाएट रुटिन
रवि किशन म्हणाले की, 'मी कोणतेही ठराविक डाएट फॉलो करत नाही. कामानुसार आणि दैनंदिन शेड्युलनुसार, मी आपला आहार बदलत असतो. हे खरंतर महादेवांचा आशिर्वाद आहे, ते मला दिवसातून इंटरमिटेंट फास्टिंग किंवा फळांवर राहण्यासाठी हिंमत देतात. पण राजकीय जबाबदारी पार पाडताना मी माझ्या डाएटमध्ये बदल करत असतो. मी माझ्या डाएटमध्ये भिजवलेले ड्रायफ्रुट्स आणि सॅलॅडचा समावेश केला आहे', असं रवि किशन म्हणाले.
महत्त्वाच्या इतर बातम्या:
महत्त्वाच्या बातम्या
