Rashmika Mandanna : रणबीर कपूरच्या ‘अ‍ॅनिमल’मध्ये रश्मिका मंदनाची एण्ट्री, चित्रपटात साकारणार महत्त्वाची भूमिका!

Rashmika Mandanna : अभिनेत्री रश्मिका मंदाना, रणबीर कपूर स्टारर ‘अ‍ॅनिमल’मध्ये (Animal) झळकणार आहे.

Rashmika Mandanna

Rashmika Mandanna : गुढी पाडव्याच्या शुभमुहूर्तावर साऊथ अभिनेत्री रश्मिका मंदना (Rashmika Mandanna) हिच्याबद्दल एक मोठी बातमी समोर येत आहे. अभिनेत्रीच्या आगामी चित्रपटाबाबत एक घोषणा करण्यात आली आहे. अभिनेत्री रश्मिका मंदाना, रणबीर कपूर स्टारर ‘अ‍ॅनिमल’मध्ये (Animal) झळकणार आहे. 'अ‍ॅनिमल'च्या टीमने टीमने नुकतीच घोषणा केली आहे. संदीप रेड्डी वंगा दिग्दर्शित, या चित्रपटात रणबीर कपूर, अनिल कपूर आणि बॉबी देओल प्रमुख भूमिकेत आहेत आणि आता नॅशनल क्रश रश्मिका देखील चित्रपटाचा एक महत्त्वाचा भाग बनली आहे. या आधी रश्मिका या चित्रपटात एण्ट्री करणार असल्याची जोरदार चर्चा होती.

 

Koo App

RASHMIKA MANDANNA JOINS ’ANIMAL’ TEAM... #RashmikaMandanna joins the cast of #RanbirKapoor and director #SandeepReddyVanga’s [#ArjunReddy, #KabirSingh] first collaboration #Animal... Costars #AnilKapoor and #BobbyDeol... 11 Aug 2023 #IndependenceDay weekend release. #BhushanKumar

View attached media content

- Taran Adarsh (@taran_adarsh) 2 Apr 2022

या चित्रपटाचा पॉवरफुल टायटल टीझर आणि चित्रपटाशी निगडीत कलाकारांची नावे प्रदर्शित झाल्यापासून या क्राईम ड्रामा चित्रपटाबद्दल लोकांची उत्सुकता अधिकच वाढली आहे. या चित्रपटाचे शूटिंग या उन्हाळ्यात सुरू होईल आणि हा चित्रपट 11 ऑगस्ट 2023 रोजी प्रदर्शित होणार आहे. भूषण कुमार आणि कृष्ण कुमार यांच्या टी-सिरीज, मुराद खेतानीच्या सिने1 स्टुडिओ आणि प्रणय रेड्डी वंगा यांच्या भद्रकाली पिक्चर्सने या चित्रपटाची निर्मिती केली आहे.

परिणीतीने सोडला चित्रपट!

या आधी ‘अ‍ॅनिमल’मध्ये आभिनेत्र परिणीती चोप्रा झळकणार होती. इम्तियाज अलीच्या ‘चमकीला’मुळे परिणीती चोप्राने हा चित्रपट सोडला आहे. वास्तविक दोन्ही चित्रपटांचे शूटिंग एकाच वेळी सुरू होणार होते आणि याच कारणामुळे परिणीतीने ‘अॅनिमल’ सोडण्याचा निर्णय घेतला.

रश्मिका मंदान्ना या चित्रपटात अभिनेता रणबीर कपूरच्या पत्नीच्या भूमिकेत दिसणार आहे. रश्मिकाकडे सध्या बॉलिवूडचे अनेक मोठे चित्रपट आहेत. ती लवकरच सिद्धार्थ मल्होत्राच्या ‘मिशन मजनू’ या चित्रपटात देखील दिसणार आहे. याशिवाय तिच्याकडे विकास बहलचा आगामी 'गुडबाय' हा चित्रपटही आहे. रश्मिका दिग्दर्शक अनुदीपच्या ‘एसके 12’ या चित्रपटातही दिसणार आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha