Ranbir Kapoor and Arijit Singh: भर कॉन्सर्टमध्ये रणबीर आणि अरिजितनं एकमेकांना वाकून केला नमस्कार; दोघांच्याही या कृत्याचं नेटकरी करयात तोंडभरुन कौतुक, पाहा व्हिडीओ

Ranbir Kapoor and Arijit Singh: कॉन्सर्टमधील अरिजित आणि रणबीरचा एक व्हिडीओ सध्या सोशल मीडियावर व्हायरल झाला आहे. या व्हिडीओमध्ये रणबीर आणि अरिजित हे स्टेजवर एकमेकांना वाकून नमस्कार करताना दिसत आहेत. 

Ranbir Kapoor and Arijit Singh

Ranbir Kapoor and Arijit Singh:  बॉलिवूडमधील प्रसिद्ध अभिनेता रणबीर कपूर (Ranbir Kapoor)  सध्या त्याच्या आगामी 'अ‍ॅनिमल' (Animal)  या चित्रपटामुळे चर्चेत आहे. रणबीरच्या या चित्रपटाची प्रेक्षक उत्सुकतेने वाट बघत आहेत. नुकतीच रणबीरनं चंदीगड येथे गायक अरिजित सिंहच्या (Arijit Singh) कॉन्सर्टला हजेरी लावली. या कॉन्सर्टमधील अरिजित सिंहचा आणि रणबीर कपूरचा एक व्हिडीओ सध्या सोशल मीडियावर व्हायरल झाला आहे. या व्हिडीओमध्ये रणबीर आणि अरिजित हे स्टेजवर एकमेकांना वाकून नमस्कार करताना दिसत आहेत. 

सोशल मीडियावर व्हायरल झालेल्या व्हिडीओमध्ये दिसत आहे की, रणबीर हा अरिजितला स्टेजवर वाकून नमस्कार करतो. त्यानंतर अरिजित देखील गुडघ्यावर बसून रणबीरला नमस्कार करतो. या दोघांच्या या नमस्कार करण्याच्या पद्धतीनं अनेकांचे लक्ष वेधले आहे. अरिजित आणि रणबीर यांच्या व्हायरल व्हिडीओला कमेंट करुन अनेकांनी या दोघांचे कौतुक केले आहे.

पाहा व्हिडीओ:

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

चन्ना मेरेया गाण्यावर केला डान्स

रणबीरनं चंदीगड येथे पार पडलेल्या अरिजितच्या कॉन्सर्टमध्ये  चन्ना मेरेया या गाण्यावर डान्स देखील केला. चन्ना मेरेया हे गाणं अरिजितनं गायलं आहे. तसेच रणबीरच्या ब्रह्मास्त्र चित्रपटातील रसिया आणि केसरीया  ही गाणी देखील अरिजितनं  गायली आहेत.

Channa Mereya is literally made for Ranbir Kapoor 😍#RanbirKapoor #ArijitSingh #Satranga #Animal #AnimalTheFilm pic.twitter.com/p8SSYJ3fiI

— 𝙑amsi ♪ (@RKs_Tilllast) November 4, 2023

'अॅनिमल' कधी होणार रिलीज?

रणबीर कपूरचा अॅनिमल चित्रपट 1 डिसेंबर रोजी प्रेक्षकांच्या भेटीस येणार आहे. हा चित्रपट हिंदी,  तेलुगु, तमिळ,  कन्नड आणि  मल्याळम या भाषांमध्ये रिलीज केला जाणार आहे. या चित्रपटात रणबीर कपूरसोबतच अनिल कपूर, रश्मिका मंदाना, बॉबी देओल आणि तृप्ती डिमरी हे कलाकार देखील प्रमुख भूमिका साकारणार आहेत.

'अॅनिमल' हा चित्रपट 11 ऑगस्ट 2023 रोजी रिलीज होणार होता. पण नंतर  चित्रपटाची रिलीज डेट पुढे ढकलण्यात आली. आता अॅनिमल चित्रपट 1 डिसेंबर रोजी प्रेक्षकांच्या भेटीस येणार आहे.काही दिवसांपूर्वी 'अॅनिमल' या चित्रपटामधील  'हुआ मैं'  हे गाणं रिलीज करण्यात आलं.या गाण्यातील रणबीर आणि रश्मिका यांच्या केमिस्ट्रीनं अनेकांचे लक्ष वेधले आहे.

इतर महत्वाच्या बातम्या: