Sharyu Sonawane: प्लास्टिकच्या बरणीत श्वानाचं तोंड अडकलं, 3-4 दिवस अन्न, पाणीविना भटकला; मराठी अभिनेत्री धावली मदतीला

Marathi Actress Saves Stray Dog: अभिनेत्री शरयू सोनवणे हिनं अडचणीत सापडलेल्या श्वानाची मदत केलीये.

Marathi Actress Saves Stray Dog

Source : canva

Sharyu Sonawane Rescues Dog Trapped In Plastic Jar: माणूस असो किंवा जनावर, प्रत्येकाला भावना असतात. असं म्हणतात की कुत्रा या प्राण्यापेक्षा इतर कुणीही इमानी प्राणी नाही. काही जण मुक्या प्राण्यांना खाऊ घालतात, काळजी घेतात. पण काही जण स्ट्रीट कुत्र्‍यांकडे  सर्रास दुर्लक्ष करतात. इतकंच नाही तर, काही जण मुक्या प्राण्यांचा (Stray Dogs) भयंकर छळ करतात. परंतु, या जगात अशी देखील माणसं आहेत, जे  संकटात सापडलेल्या मुक्या प्राण्यांची काळजी घेतात.  सध्या एक व्हिडीओ सोशल मीडियात व्हायरल (Social Media) होत आहे. या व्हिडीओत पारू फेम शरयू सोनवणे (Sharyu Sonawane) या अभिनेत्रीने अडचणीत सापडलेल्या  श्वानाची मदत केली आहे.  श्वानाचं तोंड एका प्लास्टिकच्या बरणीत अडकलं होतं.  रेस्क्यू टीमच्या मदतीने  अभिनेत्रीने श्वानाचे प्राण वाचवले.  सध्या हा व्हिडीओ सोशल मीडियात व्हायरल होत आहे.

प्लास्किटच्या बरणीत तोंड अडकलेल्या श्वानाला जीवनदान (Dog stuck in plastic jar rescued in pune)

 झी मराठीवरील पारू या मालिकेतून घराघरात पोहोचलेली अभिनेत्री म्हणजे शरयू सोनवणे.  अभिनेत्रीनं एक व्हिडीओ सोशल मीडियात शेअर केला आहे. या व्हिडीओत एक श्वान दिसत आहे आणि त्याचं तोंड एका बरणीत अडकलं आहे. यामुळे श्वानाला नीट खाता येत नाही. श्वान अस्वस्थ होतो.  रेस्क्यू टीमच्या मदतीने श्वानाची सुटका करण्यात येते. त्याचं तोंड बरणीतून काढण्यात येते. अभिनेत्रीने याचा व्हिडीओ सोशल मीडियात शेअर केला आहे. तिनं व्हिडीओ शेअर करत कॅप्शन देखील दिलं आहे. अभिनेत्रीने कॅप्शनमध्ये लिहिलं की, 'पुणे  सिंहगड रोड नांदेड सिटीमध्ये आज  सकाळच्या सुमारास एक  श्वान दिसला होता.  त्याचं तोंड प्लास्टिकच्या बरणीमध्ये  अडकलं होतं. श्वान मदतीच्या शोधात होता'.

अभिनेत्रीनं केली श्वानाची मदत (Sharayu Sonawane Helps Stray Dog)

 

 

 

 

 

 

View this post on Instagram

 

 

 

 

 

 

 

 

 

 

 

A post shared by SharayuSonawane (@sharayusonawaneofficial)

'श्वान अस्वस्थ झाला होता. मदतीसाठी इकडे तिकडे धावत होता. जवळपास तीन दिवसांपासून तो मदतीच्या शोधात होता. अन्न - पाण्यासाठी संघर्ष करत होता. खूप लोकांन त्याला या अवस्थेत पाहिले. परंतु, कुणीही मदतीसाठी पुढे सरसावले नाही.  जर अशावेळी आपल्याला थेट मदत करता आली नाही, तर आपण  एनजीओची मदत  घेऊन मुक्या प्राण्यांची मदत करु शकता. यावेळी हार्ट पुणे आणि स्वप्नील आंबेप यांनी येऊन 4-5 तासांच्या प्रयत्नांनंतर श्वानाची सुटका केली.  मी सर्वांना विनंती करते की, प्लास्टिकची बरणी किंवा काचेचे वस्तू उघड्यावर टाकू नका.  भुकेले तहानलेले जनावर त्या वस्तूंमध्ये तोंड घालतात. मुक्या प्राण्यांना समज नसते, परंतु आपल्याला असते. आपल्या थोडया जबाबदारीमुळे मुक्या प्राण्याचा जीव वाचू शकतो', असं अभिनेत्रीनं आपल्या पोस्टमध्ये म्हटलं आहे. 

अभिनेत्री शरयूचं कौतुक

अभिनेत्रीनं शेअर केलेला व्हिडीओ सोशल मीडियात तुफान व्हायरल झाला. व्हिडीओमध्ये नेटकऱ्यांनी कमेंट करुन अभिनेत्रीचं कौतुक केलं. तसेच  चाहत्यांनी शरयुच्या कामाला दाद दिली.