KGF 2 : पडद्यावर सुपर फ्लॉप ठरला होता यशचा ‘रॉकी’, आता ‘रॉकी भाई’ बनून करतोय प्रेक्षकांच्या मनावर राज्य!
Yash : यशने (Yash) केजीएफमध्ये ‘रॉकी’ची भूमिका साकारली होती. या चित्रपटामुळे यश सुपरस्टार बनला आहे.
KGF 2 : KGF Chapter 2ची प्रेक्षक आतुरतेने वाट पाहत होते आणि आता ती प्रतीक्षा संपली आहे. कारण, हा चित्रपट प्रदर्शित झाला असून, बॉक्स ऑफिसवर धमाकेदार कमाई करत आहे. या चित्रपटाने आगाऊ बुकिंगमध्येही विक्रम नोंदवला होता आणि आता चित्रपट प्रदर्शित झाल्यानंतरही शो हाऊसफुल्ल होत आहे. सुपरस्टार यशने (Yash) केजीएफमध्ये ‘रॉकी’ची भूमिका साकारली होती. या चित्रपटामुळे यश सुपरस्टार बनला आहे. पण,10 वर्षांपूर्वी यशने ‘रॉकी’ची भूमिका साकारली होती, तेव्हा तो चाहत्यांना तो आवडला नाही. त्याचा हा चित्रपटही बॉक्स ऑफिसवर सडकून आपटला होता.
‘KGF Chapter 1’ फेम यशचा ‘रॉकी’ हा चित्रपट 2008 मध्ये रिलीज झाला होता. हा चित्रपट प्रदर्शित झाला, तेव्हा रॉकी बनलेला यश लोकांवर आपल्या अभिनयाची छाप सोडू शकला नाही. लोकांना तो चित्रपट आवडला नाही, त्यामुळे तो बॉक्स ऑफिसवरही काही खास दाखवू शकला नाही आणि सुपर फ्लॉप ठरला. ‘रॉकी’ हा एक दक्षिण भारतीय चित्रपट होता, जो कन्नडमध्ये बनला होता. ‘रॉकी’ हा चित्रपट 5 कोटींच्या बजेटमध्ये बनला होता, ज्यामध्ये बियांका देसाई, जय जगदीश, रमेश भट्ट आणि संतोष मुख्य भूमिकेत झळकले होते.
10 वर्षांनंतर ‘रॉकी भाई’ने केली कमाल!
2008 मध्ये यशचा ‘रॉकी’ हा चित्रपट फ्लॉप ठरला. पण, 10 वर्षांनी त्याने मोठ्या पडद्यावर ‘रॉकी भाई’ साकारत धमाका केला. KGF Chapter 1 हा चित्रपट 2018 साली प्रदर्शित झाला होता आणि तो चित्रपट जबरदस्त हिट ठरला होता. या चित्रपटाने यशला रातोरात स्टार बनवले. विशेष म्हणजे या चित्रपटातही त्याच्या पात्राचे नाव ‘रॉकी’ होते. पण, यावेळी हा रॉकी फ्लॉप झाला नाही, तर सर्वांच्या मनाचा राजा बनला. ‘KGF 1’च्या रिलीजनंतर प्रेक्षक आणि चाहते ‘KGF 2’ची आतुरतेने वाट पाहत होते. मात्र, आता हा चित्रपट प्रदर्शित झाला आहे.
हेही वाचा :
महत्त्वाच्या बातम्या
