KRK On Saif Kareena: बॉलिवूड स्टारकडून सैफ-करिनाची पोलखोल? 'त्या' रात्री काय-काय घडलं? पुराव्यानिशी सांगितलं
KRK On Saif Kareena: बॉलिवूड स्टार सैफ अली खान आणि करीना कपूर खान हे सध्या त्यांच्या घरात घुसून चोरट्यानं केलेल्या हल्ल्यामुळे चर्चेत आहेत.
KRK On Saif Kareena: बॉलिवूड स्टार (Bollywood Star) सैफ अली खानवर (Saif Ali Khan) त्याच्या घरात घुसून चोरट्यानं जीवघेणा हल्ला केला. या हल्ल्यानंतर सैफ गंभीर जखमी झाला होता. त्याला तात्काळ रुग्णालयात दाखल करण्यात आलं आणि त्यानंतर त्याच्यावर तातडीनं दोन शस्त्रक्रिया करण्यात आल्या. रुग्णालयात चार दिवस उपचार घेतल्यानंतर पाचव्या दिवशी अभिनेता स्वतःच्या पायांवर चालत घरी आला. सैफच्या मणक्याजवळ चोरट्यानं भोसकलेल्या चाकूचा तुकडा रुतला होता, शस्त्रक्रिया करून तो काढून टाकण्यात आल्याचं रुग्णालय प्रशासनानं सांगितलं होतं. एवढी मोठी शस्त्रक्रिया होऊनही सैफ फक्त चारच दिवसांत अगदी ठणठणीत स्वतःच्या पायावर चालत आल्याचं पाहून अनेकांनी प्रश्न उपस्थित केले. त्यासोबतच जखमी झालेला सैफ अली खान आणि त्याच्यावर करण्यात आलेला हल्ला या संपूर्ण प्रकरणात अनेक गोष्टींचा एकमेकांशी ताळमेळ लागेना झालाय. अशातच आता एका सेलिब्रिटीनं समोर येतत्या रात्री नेमकं काय झालेलं हे स्पष्ट केलं आहे.
बॉलिवूड स्टार सैफ अली खान आणि करीना कपूर खान हे सध्या त्यांच्या घरात घुसून चोरट्यानं केलेल्या हल्ल्यामुळे चर्चेत आहेत. सैफ अली खान रुग्णालयातून घरी परतला असला तरी, त्या रात्री झालेल्या हल्ल्याबाबत वेगवेगळी समीकरणं तयार केली जात आहेत. दरम्यान, स्पष्टवक्ता म्हणून ओळखल्या जाणाऱ्या केआरकेनं सैफ आणि करीनाबद्दल एक व्हिडीओ देखील बनवला आहे, ज्यामध्ये तो त्या रात्रीच्या प्रत्येक छोट्या छोट्या गोष्टींबद्दल बोलताना दिसतो.
केआरके म्हणजेच, कमाल रशीद खाननंही सैफ अली खानवरील हल्ल्याबाबत धक्कादायक खुलासे केले आहेत. त्यांनी ट्विट करून लोकांना या प्रकरणाबाबत विविध प्रश्न विचारले आहेत.
केआरकेनं ट्वीट केलं आहे की, त्या रात्री सैफ अली खानवर कोणताही हल्ला झाला नाही, पण सैफ आणि करीना कपूर यांचं एकमेकांशी भांडण झालं होतं. वादग्रस्त वक्तव्यांसाठी प्रसिद्ध असलेल्या केआरकेनं आपल्या ट्वीटमध्ये स्पष्टपणे म्हटलं आहे की, अभिनेत्यावर कोणी हल्ला केला होता की, नाही याबद्दल त्याला पूर्ण शंका आहे.
दरम्यान, केआरकेच्या या प्रश्नांपूर्वीही लोक सैफ अली खानवरील हल्ल्याबाबत सोशल मीडियावर विविध गोष्टींवर चर्चा करताना दिसले होते. अशातच सैफ अली खान रुग्णालयातून घरी परतल्यानंतरही लोक अनेक प्रश्न उपस्थित करत आहेत. पोलीस अजूनही या प्रकरणाचा तपास करत आहेत.
पोलिसांनी दिलेल्या माहितीनुसार, तपासादरम्यान सैफ अली खानच्या घरातून आरोपीची टोपी आणि मास्कही सापडला. पोलिसांनी ते पुरावा म्हणून जप्त केले आहे. तसेच, या प्रकरणाची अजूनही बारकाईनं चौकशी सुरू आहे.
पाहा KRK चा व्हिडीओ :
महत्वाच्या इतर बातम्या :
महत्त्वाच्या बातम्या
