Farhan Akhtar On Raveer SIngh: सैफविषयी बोलता बोलता अचानक रणवीर सिंहवर घसरला, फरहान अख्तरचा 'डॉन 3'वरून टोला; म्हणाला...

आत्तापर्यंत दोघांपैकी कोणीही थेट एकमेकांविषयी काही बोललं नव्हतं. मात्र पहिल्यांदाच फरहान अख्तरने या मुलाखतीतच रणवीर सिंह वर अप्रत्यक्ष टोला लगावला.

Farhan Akhtar On Ranveer Singh

Source : ABPLIVE AI

Farhan Akhtar on Ranveer Singh: फरहान अख्तरचा 'डॉन 3' (Don 3) सध्या रखडलाय.  हा चित्रपट पुन्हा कधी सुरू होणार यात मुख्य भूमिकेत कोण दिसणार? हा सध्या मोठा प्रश्न आहे. काही महिन्यांपूर्वी अभिनेता रणवीर सिंहने (Ranveer Singh) या चित्रपटातून ऐन वेळेस माघार घेतल्यामुळे मोठा वाद निर्माण झाला होता.  FWICE नं रणवीर सिंहवर बंदी घातली होती. नंतर ही बंदी उठवण्यात आली. 40 कोटी रुपयांच्या नुकसान भरपाईवरून फरहान अख्तर (Farhan Akhtar) आणि रणवीर सिंह या दोन्ही कलाकारांमधील वाद होते. दोघांनी आपली भूमिका स्पष्ट केली असली तरी,हा वाद अद्याप पूर्णपणे मिटलेला नाही. अलीकडेच दिलेल्या एका मुलाखतीत, फरहान अख्तरने केलेल्या एका सूचक टिप्पणीमुळे 'डॉन 3' चा हा वाद पुन्हा चर्चेत आला आहे. आत्तापर्यंत दोघांपैकी कोणीही थेट एकमेकांविषयी काही बोललं नव्हतं. मात्र पहिल्यांदाच फरहान अख्तरने या मुलाखतीतच रणवीर सिंहवर अप्रत्यक्ष टोला लगावला. 'दिल चाहता है' चित्रपटाला 25 वर्ष पूर्ण झाल्याच्या निमित्ताने एका मुलाखतीत तो बोलत होता.

'दिल चाहता है 'चं चित्रीकरण सुरू होण्याआधी सैफ अली खान या प्रोजेक्टमधून जवळजवळ बाहेर पडणार होता. असं सांगताना फरहानच्या एका वाक्यामुळे अनेकांच्या भुवया उंचावल्या. सोशल मीडियावरही फरहांचा हा व्हिडिओ सध्या व्हायरल होतोय.

नेमकं काय म्हणाला फरहान अख्तर?

फरहान अख्तरचा दिग्दर्शक म्हणून पदार्पणाचा चित्रपट 'दिल चाहता है' ला 25 वर्ष पूर्ण झाली आहेत.यानिमित्ताने द हॉलीवुड रिपोर्टर इंडियाला दिलेला मुलाखतीत फरहानने अभिनेता सैफ अली खान बद्दल एक किस्सा सांगितला. 'शूटिंग सुरू होण्याच्या काही दिवस आधीच सैफ अली खानला चित्रपटातून बाहेर पडायचं होतं.शूटिंग सुरू होण्यापूर्वी तारखांच्या अनेक अडचणी त्याला येत होत्या.' असं फरहान म्हणाला.

तो म्हणाला ' सैफ अली खान जो दुसऱ्या चित्रपटात काम करणार होता,त्याच्या शूटिंग शेड्युल बदललं होतं.त्यामुळे सेफ काहीच अडचणीत आला होता.शेवटी सैफ ने फरहानचा चित्रपट सोडण्याचा निर्णय घेतला.मात्र त्याला थांबवण्यासाठी सगळेच प्रयत्न करत होते.माझ्यासाठी तर सगळंच संपल्यासारखं झालं होतं.जेव्हा आम्ही त्याला भेटलो आणि कामाला सुरुवात केली,तेव्हा जाणवलं की या भूमिकेत दुसरं कोणीच बसू शकत नाही.हे अशक्यच होतं.खरंच मन दुखावणार होतं.शूटिंग सुरू होण्याच्या काही दिवस आधीच असं झालेलं.शूटिंगला अजून एक महिना बाकी होता.आज-काल असाच एक पॅटर्न पाहायला मिळतोय' फरहान अख्तरने रणवीर सिंहला टोला लगावल्याचं कळताच मुलाखत घेणारी व्यक्ती ही हसू लागली. तिला प्रतिक्रिया देताना फरहान म्हणाला 'हे फक्त माझ्यासोबतच होत नाही, अशा गोष्टी होत राहतात.'

 

You know how cool Farhan Akhtar is? He made a joke about Ranveer Singh's Don 3 exit without any bitterness. Real sorted chap he is. pic.twitter.com/Yvh95PXOLt

— B.H.Harsh (@film_waala) August 10, 2026