Kranti Redkar : 'तुला चित्रपट भेटत नाहीत का?' चाहत्याचा क्रांती रेडकरला सवाल, अभिनेत्री पहिल्यांदा व्याकरण सुधारलं अन् चोख उत्तर दिलं
Kranti Redkar : क्रांतीच्या सोशल मीडियावरील व्हिडीवर कमेंट करणाऱ्यांना तिने चांगलच उत्तर दिलं. सध्या या उत्तराची बरीच चर्चा सुरु आहे.
Kranti Redkar : अभिनेत्री क्रांती रेडकर (Kranti Redkar) ही सोशल मीडियावर (Social Media) बरीच सक्रिय असते. त्यातच तिच्या मुलींचे रिल्स तर सोशल मीडियावर बरेच प्रसिद्ध आहे. अनेक मराठी सिनेमा आणि मालिकांमधून क्रांतीने प्रेक्षकांची मनं जिंकली आहे. पण तिच्या मुलींच्या जन्मानंतर क्रांतीने सिनेसृष्टीतून काहीसा ब्रेक घेतल्याचं पाहायला मिळालं. पण आता ती परत एकदा प्रेक्षकांचं मनोरंजन करण्यास सक्रिय झाली आहे. याचा खुलासा स्वत: अभिनेत्रीनेच केला आहे.
क्रांती शेअर करत असलेल्या व्हिडीओवर अनेकजण कमेंट्स करत असतात. अशीच एक कमेंट क्रांतीने नुकत्याच शेअर केलेल्या एका व्हिडीओवर आली आहे. बऱ्याचदा ट्रोल करणाऱ्यांना सेलिब्रेटी उत्तर देणं टाळतात, तर अनेकजण चोख उत्तर देतातही. अशीच कमेंट क्रांतीच्या एका व्हिडीओवर आली. त्यावर क्रांतीने देखील चोख उत्तर दिलं आहे. विशेष म्हणजे क्रांतीने यावेळी त्या युजरचं व्याकरण देखील सुधारलं आहे.
क्रांतीच्या व्हिडीओवर चाहत्याचा सवाल
क्रांतीने शेअर केलेल्या एका व्हिडिओवर एका चाहत्याने तिला तुला चित्रपट भेटत नाही का असा सवाल केला. त्यावर अभिनेत्रीने पहिल्यांदा त्याचं व्याकरण सुधारलं. क्रांतीने त्याला म्हटलं की, चित्रपट भेटत नाहीत मिळतात. पुढे क्रांतीने म्हटलं की, प्रश्नाचं उत्तर आहे, कधी कधी नाही, कधी कधी हो... मिळतात. पण माझ्या लहान मुलींमुळे तारखा जुळत नाहीत. आता काही सिनेमे करत आहे. लवकरच प्रदर्शित होती. क्रांतीच्या या उत्तराने सगळ्यांचीच मनं जिंकली आहे.
क्रांतीने अधिकारी समीर वानखेडे यांच्यासोबत 2017 मध्ये लग्नगाठ बांधली. त्यानंतर तिने दोन जुळ्या मुलींना जन्म दिला. जत्रा, खो-खो, शिक्षणाच्या आयचा घो, तीन बायका फजिती ऐका, किरण कुलकर्णी वर्सेस किरण कुलकर्णी, नो एन्ट्री पुढे धोका आहे या सिनेमांमधून क्रांती प्रेक्षकांच्या भेटीला आली आहे.
View this post on Instagram
ही बातमी वाचा :
महत्त्वाच्या बातम्या
