Pavitra Jayaram : प्रसिद्ध दाक्षिणात्य अभिनेत्रीचा भीषण कार अपघातात मृत्यू, बहिणीसह इतर 3 जण गंभीर जखमी
Pavitra Jayaram : कन्नड आणि तेलुगु टीव्ही मालिकेतील अभिनेत्री पवित्रा जयराम हिचा अपघातात मृत्यू झाल्याची माहिती सध्या समोर येत आहे. तसेच यामध्ये तिची बहिणही गंभीर जखमी असल्याचं सांगण्यात येत आहे.
Pavitra Jayaram : कन्नड मालिकाविश्वातून एक दुख:द बातमी सध्या समोर येत आहे. प्रसिद्ध अभिनेत्री पवित्रा जयराम (Pavitra Jayaram Death) हिचा भीषण कार अपघातामध्ये मृत्यू झाला. हैदराबादच्या मेहबूब नगरजवळ हा अपघात झाला असल्याची माहिती सध्या समोर येत आहे. तिच्या कारची एका बसला धडक बसली. ही धडक इतकी भीषण होती की, अभिनेत्रीचा जागीच मृत्यू झाला.
मीडिया रिपोर्ट्सनुसार, कर्नाटकातील मंड्या जिल्ह्यातील हनाकेरे येथून परत येत असताना हा अपघात झाल्याची दिली. तसेच या अपघातामध्ये पवित्रा जयरामचा चुलत भाऊ अपेक्षा, चालक श्रीकांत आणि अभिनेता चंद्रकांत हे देखील गंभीर झाल्याची माहिती सध्या समोर आली आहे. कार चालकाचे नियंत्रण सुटल्याने तिची कार डिव्हायडरला धडकली आणि त्यानंतर हैदराबादहून वानपर्थीकडे येणारी बस ही कारच्या उजव्या बाजूला जाऊन धडकली, असंही सांगण्यात येत आहे. पण या अपघातामध्ये पवित्राचा मृत्यू झाला.
कोण आहे पवित्रा जयराम?
पवित्रा जयराम ही कन्नड मालिकाविश्वातील प्रसिद्ध अभिनेत्री आहेत. दरम्यान तिने इतर अनेक भाषांमध्येही मालिकेत काम केलं आहे. पण कन्नड मालिकाविश्वात तिची लोकप्रियता जास्त होती. तेलुगु मालिकांमधील आपल्या दमदार अभिनयाने तिचा एक मोठा चाहतावर्गही होता. दरम्यान तिच्या मृत्यूच्या बातमीने इंडस्ट्रीत तिच्या सहकलाकारांना आणि चाहत्यांना देखील धक्का बसला आहे.
View this post on Instagram
पंरतु या अपघातासंदर्भात अद्याप कोणतीही माहिती समोर आलेली नाहीये. त्याचप्रमाणे सोशल मीडियावरुनही तिला श्रद्धांजली वाहिली जात आहे. मालिकाविश्वात विशेष करुन कन्नड आणि तेलुगु मालिकांमध्ये तिचं विशेष योगदान आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
