India Most Watched Web Series: ना 'पंचायत', ना 'आश्रम', ना 'मिर्झापूर'; 2025 मध्ये सर्वाधिक पाहिली गेली 'ही' वेब सीरिज, आतापर्यंत आलेत 4 सीझन, तुम्ही पाहिलीय?
India Most Watched Web Series: भारतातील टॉप 50 स्ट्रीमिंग ओरिजिनल्सच्या यादीनुसार, पंकज त्रिपाठीचा 'क्रिमिनल जस्टिस सीझन 4' (Criminal Justice) हा 2025 मध्ये सर्वाधिक पाहिलेला ओरिजिनल शो बनलाय.
India Most Watched Web Series: सध्या ओटीटीची (OTT Released) चलती आहे. ओटीटीच्या (OTT Platform) जगात, जवळजवळ दररोज वेगवेगळ्या प्लॅटफॉर्मवर अनेक शो आणि चित्रपट (Movies) प्रदर्शित होतात. कायदेशीर नाटकं, अॅक्शन थ्रिलर, रोमँटिक कॉमेडीपासून ते सर्व्हायव्हल थ्रिलरपर्यंत, प्रेक्षक घरबसल्या सर्वकाही फक्त एका क्लिकवर पाहू शकतात आणि सर्व प्रकारच्या कंटेंटचा आनंद घेऊ शकतात.
नेटफ्लिक्स (Netflix) असो वा, प्राईम व्हिडीओ (Prime Video), जिओ सिनेमा (Jio Cenema) आणि इतर अनेक ओटीटी प्लॅटफॉर्मवर प्रत्येक प्रकारच्या सीरिज आहे. आपण ज्या वेब सीरिजबद्दल बोलत आहोत, ती 2025 मध्ये आजवर सर्वाधिक पाहिली गेलेली वेब सीरिज (Web Series) आहे. या सीरिजनं संपूर्ण महिनाभर जगभरातील प्रेक्षकांचं मनोरंजन केलंय.
2025 मध्ये सर्वाधिक पाहिलेला भारतीय ओटीटी शो कोणता?
भारतातील टॉप 50 स्ट्रीमिंग ओरिजिनल्सच्या यादीनुसार, पंकज त्रिपाठीचा 'क्रिमिनल जस्टिस सीझन 4' (Criminal Justice) हा 2025 मध्ये सर्वाधिक पाहिलेला ओरिजिनल शो बनलाय. ऑरमॅक्स मीडियानं टॉप 50 स्ट्रीमिंग शोची यादी जाहीर केली आहे, ज्यामध्ये फक्त अशा कंटेंटचा समावेश आहे, जो थेट ओटीटी प्लॅटफॉर्मवर रिलीज झालाय आणि ज्यांचे कोणतेही लायसन्स किंवा डब टायटल नाही.
जिओ हॉटस्टारवरील 'क्रिमिनल जस्टिस सीझन 4'नं ओटीटीवरच्या सर्वाधिक पाहिल्या गेलेल्या सीरिजच्या यादीमध्ये पहिलं स्थान मिळवलंय. ही वेब सीरिज आतापर्यंत 2.77 कोटी वेळा पाहिलं गेलंय.
'क्रिमिनल जस्टिस 4'नं बॉबी देओलच्या 'एक बदनाम आश्रम' सीझन 3 पार्ट 2 सारख्या इतर सर्वाधिक पाहिल्या गेलेल्या ओरिजिनल शोना मागे टाकलं आहे, ज्यानं 2.71 कोटी व्ह्यूजसह दुसरं स्थान पटकावलंय. त्यानंतर जितेंद्र कुमार आणि नीना गुप्ता यांचा 'पंचायत सीझन 4' होता, जो 2.38 कोटी व्ह्यूजसह तिसऱ्या स्थानावर होता. अमेझॉन प्राईम व्हिडीओवरील जयदीप अहलावतचा 'पाताल लोक' आणि नेटफ्लिक्सचा 'स्क्विड गेम सीझन 3' यासारख्या इतर वेब सीरिजनं अनुक्रमे 16.8 दशलक्ष आणि 16.5 दशलक्ष व्ह्यूजसह चौथं आणि पाचवं स्थान पटकावलं आहे.
'क्रिमिनल जस्टिस: द फॅमिली ड्रामा' कुठे पाहाल?
'क्रिमिनल जस्टिस: द फॅमिली ड्रामा'चा चौथा सीझन मे महिन्यात जिओ हॉटस्टारवर फक्त तीन भागांसह प्रदर्शित झाला आणि दर आठवड्याला प्रेक्षकांचं मनोरंजन करतोय. अॅपलॉज एंटरटेनमेंट आणि बीबीसी स्टुडिओज इंडिया यांच्या निधीतून तयार झालेल्या पंकज त्रिपाठी अभिनीत कोर्टरूम ड्रामामध्ये मोहम्मद झीशान अय्युब, श्वेता बसू प्रसाद, आशा नेगी, सुरवीन चावला, मीता वशिष्ठ, बरखा सिंग आणि खुशबू अत्रे यांच्याही प्रमुख भूमिका आहेत.
महत्त्वाच्या इतर बातम्या :
महत्त्वाच्या बातम्या
