Krushna Abhishek, Govinda : गोविंदानं भाच्याला केलं माफ; कृष्णाला म्हणाला, 'माझ्या बहिणीनं...'

मनिष पॉलनं नुकताच सोशल मीडियावर एक व्हिडीओ शेअर केला आहे.

govinda,Krushna Abhishek

Krushna Abhishek, Govinda : अभिनेता गोविंदा (Govinda) आणि कॉमेडियन कृष्णा अभिषेक (Krushna Abhishek) यांच्यामध्ये गेली काही वर्ष वाद सुरु होते, अशी चर्चा सोशल मीडियावर झाली होती. मामा आणि भाच्याच्या या जोडीमध्ये सुरु असलेला वाद आता मिटला आहे, असं म्हटलं जाऊ शकतं कारण  मनीष पॉलच्या पॉडकास्ट शोमध्ये कृष्णानं गोविंदाची माफी मागितली होती. आता काही दिवसांपूर्वी गोविंदानं देखील याचं पॉडकास्टमध्ये हजेरी लावून कृष्णाला माफ केल्याबद्दल सांगितलं आहे. मनिष पॉलनं नुकताच सोशल मीडियावर एक व्हिडीओ शेअर केला आहे. या व्हिडीओमध्ये दिसत आहे की, मनिष हा गोविंदाला कृष्णानं मागितलेल्या माफीबद्दल सांगतो. 

व्हिडीओमध्ये दिसत आहे की, मनीष हा गोविंदाला म्हणतो, 'कृष्णानं या शोमध्ये तुमची माफी मागितली आहे. सर, तुम्हाला याबद्दल काही म्हणायचं आहे का?' यावर गोविंदा म्हणतो, 'कृष्णा आणि आरती तुम्ही माझ्या फेवरेट बहिणीची मुलं आहात. माझ्या बहिणीनं माझ्यावर खुप प्रेम केलं. पण ते सुख तुम्हाला मिळालं नाही. याचं मला दु:ख वाटतं.  तुम्हाला दु:ख वाटेल असं मी वागणार नाही. कृष्णा, तुला मी माफ केलं आहे. प्लिज रिलॅक्स राहा. तुला शुभेच्छा आणि मेहनत करत रहा. '  या व्हिडीओला कृष्णानं कमेंट केली, 'मी तुमच्यावर खूप प्रेम करतो.'

कृष्णा अभिषेकनं  मनीष पॉलच्या पॉडकास्टमध्ये सांगितलं होतं की, तो गोविंदाला खूप मिस करतो. तो म्हणाला होता, 'चीची मामा, मी तुम्हाला मिस करतो. मला वाटकं की माझ्या मुलांनी माझ्या मामासोबत खेळावं. मला तुमची खूप आठवण येते.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Maniesh Paul (@manieshpaul)

2016 मध्ये गोविंदा आणि कृष्णा यांच्यामध्ये वाद निर्माण झाला होता. त्यावेळी गोविंदा हा त्यांच्या जग्गा जासूस चित्रपटाच्या प्रमोशनसाठी कृष्णाच्या शोमध्ये जाण्याऐवजी कपिलच्या शोमध्ये गेला होता. तर 2018 मध्ये कृष्णाच्या पत्नीनं म्हणजेच कश्मीरानं एक कमेंट केली होती. ती म्हणाली होती की, लोक पैशांसाठी नाचत असतात. ही कमेंट तिनं गोविंदासाठी केली, असं गोविंदाची पत्नी सुनिता यांना वाटलं होतं. तेव्हापासूनचं गोविंदा आणि कृष्णा यांच्यामध्ये दुरावा निर्माण झाला, अशी चर्चा सुरु होती.  

हेही वाचा :