Bhool Bhulaiyaa 2 : कार्तिक आर्यनच्या 'भूल भुलैया 2' ची बॉक्स ऑफिसवर गाडी सुसाट; लवकरच पार करणार 200 कोटींचा टप्पा

Bhool Bhulaiyaa 2 : 'भूल भुलैया 2' या सिनेमाने आतापर्यंत 171.52 कोटींची कमाई केली आहे.

Bhool Bhulaiyaa 2

Bhool Bhulaiyaa 2 : बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) हा सिनेमा बॉक्स ऑफिसवर धुमाकूळ घालतो आहे. या सिनेमाने बॉलिवूडच्या अनेक बिग बजेट सिनेमांना मागे टाकले आहे. आतापर्यंत या सिनेमाने 171.52 कोटींची कमाई केली आहे. 

'भूल भुलैया 2'च्या क्रेझसमोर कंगना रनौतचा ‘धाकड’ आणि अक्षय कुमारचा 'सम्राट पृथ्वीराज' मात्र फिका पडला आहे. कंगनाचा बहुप्रतीक्षित ‘धाकड’ हा सिनेमा बॉक्स ऑफिसवर जोरदार आपटला आहे. 'भूल भुलैया 2'ने रिलीजच्या 24 व्या दिवशी कमाईच्या बाबतीत सलमान खानच्या 'बजरंगी भाईजान'; 'टायगर जिंदा है' आणि रणबीर कपूरच्या 'संजू'लादेखील मागे टाकले आहे.  

रिलीजच्या चौथ्या विकेंडला केली 8.37 कोटींची कमाई

रिलीजच्या चौथ्या आठवड्यातदेखील 'भूल भुलैया 2' हा सिनेमा यशस्वी कामगिरी करत आहे. रिलीजच्या चौथ्या रविवारी या सिनेमाने 3.80 कोटींचा गल्ला जमवला होता. तर रिलीजच्या चौथ्या विकेंडला या सिनेमाने 8.37 कोटींची कमाई केली आहे. तर आतापर्यंत या सिनेमाने 171.52 कोटींचा गल्ला जमवला आहे. लवकरच हा सिनेमा 200 कोटींचा टप्पा पार करेल अशी शक्यता वर्तवली जात आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

लवकरच पार करणार 200 कोटींचा टप्पा

कार्तिक आर्यन सध्या 'भूल भुलैया 2' या सिनेमामुळे चर्चेत आहे. 'भूल भुलैया 2' या सिनेमाने रिलीजच्या पहिल्या आठवड्यात 92.05 कोटींची कमाई केली होती. दुसऱ्या आठवड्यात 49.70 कोटी तर तिसऱ्या आठवड्यात 21.40 कोटींचा गल्ला जमवला होता. त्यामुळेच लवकरच हा सिनेमा 200 कोटींचा टप्पा पार करेल असे म्हटले जात आहे. येत्या शुक्रवारी शिल्पा शेट्टी, अभिमन्यू दसानी आणि शर्ली सेतियाचा 'निकम्मा' सिनेमा प्रेक्षकांच्या भेटीला येणार आहे. पण 'भूल भुलैया 2'समोर हा सिनेमादेखील फ्लॉप होईल, असा अंदाज वर्तवला जात आहे. 

कार्तिक आणि कियारा यांचा हॉरर कॉमेडी सिनेमा ‘भूल भुलैया 2’ बॉक्स ऑफिसवर अपेक्षेपेक्षा दुप्पट कामगिरी करत आहे. या सिनेमाला प्रेक्षकांचा उदंड प्रतिसाद मिळत आहे. सिनेमाचे बहुतांश शो हाऊसफुल्ल जात आहेत. कार्तिक आणि कियारादेखील त्यांच्या सिनेमाच्या यशामुळे खूप खुश आहेत.

संबंधित बातम्या