Dhurandhar 2 OTT Release: प्रतीक्षा संपली! ‘धुरंधर 2’चं अनकट व्हर्जन OTT वर रिलीज? प्रेक्षकांना मिळणार डबल धमाका

Dhurandhar 2: चित्रपटाच्या डिजिटल रिलीजबाबत अनेक तर्कवितर्क लावले जात होते, कारण यावेळी OTT प्लॅटफॉर्ममध्ये बदल करण्यात आला आहे.

Dhurandhar 2

Source : ABPLIVE AI

Dhurandhar 2 OTT Release:रणवीर सिंहचा (Ranveer Singh) ‘धुरंधर: द रिवेंज’ (Dhurandhar 2) हा चित्रपट 19 मार्च रोजी थिएटरमध्ये प्रदर्शित झाला होता. या चित्रपटाने बॉक्स ऑफिसवर आतापर्यंत 1300 कोटी रुपयांहून अधिक कमाई केली असून जगभरातील एकूण कलेक्शन 1800 कोटींच्या पुढे गेलं आहे. रिलीजपासूनच हा चित्रपट सोशल मीडियावर चर्चेचा विषय ठरला आहे. आता OTT वर चित्रपट पाहण्याची वाट पाहणाऱ्या चाहत्यांची प्रतीक्षा अखेर संपली आहे. चित्रपटाच्या डिजिटल रिलीजबाबत अनेक तर्कवितर्क लावले जात होते, कारण यावेळी OTT प्लॅटफॉर्ममध्ये बदल करण्यात आला आहे.

कोणत्या OTT प्लॅटफॉर्मवर होणार रिलीज?

चित्रपटाचा पहिला भाग नेटफ्लिक्सवर रिलीज झाला होता. मात्र, ‘धुरंधर 2’ भारतात जिओ हॉटस्टारवर (JioHotstar) प्रदर्शित होणार आहे. तर आंतरराष्ट्रीय प्रेक्षकांसाठी हा चित्रपट नेटफ्लिक्सवर उपलब्ध होईल. याबाबत चर्चा होण्याचं आणखी एक कारण म्हणजे OTT वर रिलीज होणारं व्हर्जन थिएटरमध्ये प्रदर्शित झालेल्या आवृत्तीपेक्षा अधिक लांब असणार आहे. त्यामुळे याला ‘अनकट व्हर्जन’ असंही म्हटलं जात आहे. आदित्य धर दिग्दर्शित ‘धुरंधर 2: द रिवेंज’ 14 ते 15 मे 2026 दरम्यान स्ट्रीमिंगला उतरणार होता. तो आता 4 जून 2026 ला OTT वर येणार आहे.  टाइम झोननुसार प्रेक्षक नेटफ्लिक्सवर हा चित्रपट पाहू शकतील. निर्मात्यांनी या व्हर्जनला ‘Undekha and Raw’ असं नाव दिलं आहे. मात्र, भारतात हा चित्रपट नेटफ्लिक्सवर स्ट्रीम होणार नाही.

भारतातील OTT राइट्स कोणाकडे?

भारतातील प्रेक्षक हा अ‍ॅक्शन ड्रामा फक्त जिओ हॉटस्टारवर पाहू शकतील. OTT व्हर्जनची लांबी जवळपास 3 तास 52 मिनिटे इतकी आहे, जी थिएटर रिलीजपेक्षा सुमारे 3 मिनिटांनी अधिक आहे. भारतात या चित्रपटाचे एक्सक्लुझिव्ह स्ट्रीमिंग हक्क JioHotstar ने विकत घेतले आहेत. मिळालेल्या माहितीनुसार, या चित्रपटाचा OTT  व्यवहार जवळपास 150 कोटी रुपयांत झाला असून अलीकडच्या काळातील भारतीय चित्रपटांसाठी झालेल्या सर्वात मोठ्या OTT डीलपैकी हा एक मानला जात आहे.

बॉक्स ऑफिस कलेक्शन

'धुरंधर द रिव्हेंज' चित्रपटाने प्रदर्शनाच्या 59 व्या दिवशी 1,796.80Cr रुपयांची कमाई केली. आदित्य धर, अर्जुन रामपाल, सारा अर्जुन, रणवीर सिंग, आर माधवन आणि संजय दत्त यांच्या 'धुरंधर २' या चित्रपटाच्या प्रदर्शनाला जवळपास दोन महिने झाले आहेत . इतका काळ लोटल्यानंतरही, हा चित्रपट बॉक्स ऑफिसवर आपली पकड कायम ठेवली.