Dharmaveer 2 : 'ज्याच्या घरातली स्त्री दुःखी, त्याची बरबादी नक्की,' 'धर्मवीर-2' सिनेमाचा पहिली टीझर रिलीज
Dharmaveer 2 : धर्मवीर-2 या सिनेमाचा पहिली टीझर रिलीज करण्यात आला आहे. येत्या 9 ऑगस्ट रोजी हा सिनेमा प्रेक्षकांच्या भेटीला येणार आहे.
Dharmaveer 2 : ऑगस्ट क्रांती दिनाचं औचित्य साधत बहुचर्चित धर्मवीर-2 (Dharmaveer 2) हा सिनेमा प्रेक्षकांच्या भेटीला येणार आहे. या सिनेमाविषयी सध्या बरीच उत्सुकता आहे. नुकतच या सिनेमाचा टीझर रिलीज करण्यात आला आहे. आनंद दिघे (Aanand Dighe) दिसत असलेल्या या टीजरने 'ज्याच्या घरातली स्त्री दुःखी, त्याची बरबादी नक्की' या दमदार संवादामुळे लक्ष वेधून घेतले आहे. येत्या 9 ऑगस्ट रोजी हा सिनेमा मराठी आणि हिंदी या दोन्ही भाषांमध्ये सर्वत्र प्रदर्शित केला जाणार आहे.
'धर्मवीर-2'या चित्रपटाची निर्मिती झी स्टुडिओज आणि साहील मोशन आर्ट्स या निर्मिती संस्थेचे मंगेश देसाई,उमेश कुमार बन्सल यांनी केली आहे कथा,पटकथा,संवाद आणि दिग्दर्शनाची जबाबदारी प्रवीण तरडे यांनीच निभावली असून कॅमेराम न म्हणून महेश लिमये यांनी काम पाहिले आहे.
टीझरमध्ये काय पाहाल?
टीजरमध्ये एक मुस्लिम महिला राखी बांधायला आनंद दिघेंकडे येते. तेव्हा ते तिला बुरखा काढायला सांगतात. तिने चेहरा दाखवताच तिला मारहाण झाल्याचं त्यांना कळतं आणि आनंद दिघे त्यावर संतापतात. राखी बांधायला राज्यभरातून आलेल्या समस्त बहिणींना घेऊन ते त्या महिलेच्या घरी जातात. त्याचवेळी खास शैलीत आनंद दिघे म्हणतात, 'ज्याच्या घरातली स्त्री दुःखी, त्याची बरबादी नक्की!' अंगावर काटा आणणाऱ्या या टीजरमधून आनंद दिघेंच्या हिंदुत्वाची झलक पाहायला मिळते. त्यामुळे आता चित्रपटाविषयी तीव्र उत्सुकता निर्माण होत आहे.
काही दिवसांपूर्वीच "धर्मवीर - 2" चित्रपटाचे पोस्टर लाँच करण्यात आले होते . "धर्मवीर - २" च्या पोस्टरवर साहेबांच्या हिंदुत्त्वाची गोष्ट असा उल्लेख करण्यात आला आहे. धर्मवीर चित्रपटात आनंद दिघेंचं जीवनचरित्र दाखवलं. त्यानंतर आता "धर्मवीर - 2" मध्ये हिंदुत्त्वाची गोष्ट कशी दाखवली जाणार आहे. त्यामुळे याकडे आता सर्वांचे लक्ष लागले असून चित्रपटाबाबत कमालीची उत्सुकता आहे.
View this post on Instagram
ही बातमी वाचा :
महत्त्वाच्या बातम्या
