Deool Band 2 First Poster Released: 'देऊळ बंद 2'मध्ये स्वामींचा सर्वसामान्य महिलेच्या दुचाकीवरुन प्रवास; 'देऊळ बंद 2'च्या पहिल्या पोस्टरनं उत्सुकता वाढवली

Deool Band 2 First Poster Released: 'देऊळ बंद 2' सिनेमात मोहन जोशी हेच श्री स्वामी समर्थांच्या भूमिकेत पाहायला मिळणार आहेत, तर महत्त्वपूर्ण भूमिकेत अभिनेत्री स्नेहल तरडे झळकणार आहे.

Deool Band 2 First Poster Released

Source : ABP Majha

Deool Band 2 First Poster Released: बहुप्रतिक्षित मराठी सिनेमा (Marathi Film) 'देऊळ बंद 2' (Deool Band 2) च्या प्रदर्शनाची 21 मे 2026 ही तारीख गेल्या आठवड्यात जाहीर करण्यात आली आणि त्यामुळे स्वामीभक्त आणि प्रेक्षकांमध्ये प्रचंड आनंदाचं वातावरण निर्माण झालं. आनंदाबरोबरच उत्सुकता वाढली असतानाच आज 'देऊळ बंद 2'चं पहिलं पोस्टर (Deool Band 2 First Poster Released) प्रदर्शित झालं आणि आनंदात अजूनच भर पडली. 'देऊळ बंद' (Deool Band) मध्ये ज्येष्ठ अभिनेते मोहन जोशी (Actor Mohan Joshi) यांनी आपल्या सशक्त अभिनयानं आणि आवाजानं स्वामी समर्थ (Swami Samartha) अक्षरशः प्रत्यक्षात आपल्या समोर उभं राहून आपल्याशी संवाद साधत आहेत, असं प्रेक्षकांना वाटत होतं. तेच सर्वांना 'देऊळ बंद 2'मध्ये अनुभवायला मिळणार आहे, कारण या भागात सुद्धा मोहन जोशी हेच श्री स्वामी समर्थांच्या भूमिकेत पाहायला मिळणार आहेत, तर महत्त्वपूर्ण भूमिकेत अभिनेत्री स्नेहल तरडे (Actress Snehal Tarde) त्यांच्या सोबत असणार आहेत.

वटवृक्ष एंटरटेनमेंट निर्मित "देऊळ बंद 2 - आता परीक्षा देवाची'च्या पहिल्या पोस्टरमध्ये प्रसन्न मुद्रेनं हात उंचावत स्वामी दुचाकीवर मागे बसले असून अभिनेत्री स्नेहल तरडे ती दुचाकी चालवत आहेत. स्वामी जरी प्रसन्न मुद्रेत असले तरी स्नेहल यांच्या चेहऱ्यावर राग आहे आणि डोळ्यांतून अश्रू ओघळत आहेत, आता हा राग कशासाठी आणि दुःख कशाचे? यासाठी प्रेक्षकांना चित्रपटाची वाट पाहायला लागणार आहे. "भक्त कितीही संकटात असला तरी स्वामी त्याच्या पाठीशी खंबीरपणे उभे असतात...", हाच संदेश या पोस्टरमधून अधोरेखित होतोय.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Pravin Vitthal Tarde (@pravinvitthaltarde)

पहिल्या भागात स्वामींनी परदेशातून आलेल्या शास्त्रज्ञाच्या आलिशान चारचाकीतून प्रवास केला होता तर 'देऊळ बंद 2'मध्ये स्वामी एका गरीब महिलेच्या सामान्य दुचाकीवरून प्रवास करताना दिसत आहेत. त्यामुळे प्रेक्षकांना या चित्रपटात स्वामीकृपेनं एका सामान्य कुटुंबाची असामान्य गोष्ट पाहायला मिळणार असं दिसतंय.

21 मे 2026 रोजी प्रदर्शित होणाऱ्या वटवृक्ष एंटरटेनमेंट निर्मित 'देऊळ बंद 2' ची कथा, पटकथा, संवाद आणि दिग्दर्शन अष्टपैलू कलाकार प्रविण विठ्ठल तरडे यांचं असून निर्मिती कैलाश वाणी, जयश्री कैलाश वाणी, कैवल्य वाणी आणि जुईली वाणी-सूर्यवंशी यांनी केली आहे. 

महत्त्वाच्या इतर बातम्या :