Comedian Sunil Pal: पुष्पगुच्छ देऊन सत्कार अन् स्टेजवरुन हाकलवलं, इव्हेंटमध्ये नेमकं काय घडलं? सुनील पाल म्हणाला, 'मला अपमानित..'
Sunil Pal Reacts After Being Ignored on Stage: नुकताच सुनील पाल यांचा व्हिडीओ सोशल मीडियात प्रचंड प्रमाणात व्हायरल झाला. या व्हिडीओवर सुनील पालने प्रतिक्रिया दिली आहे.
Comedian Sunil Pal Poetry Event Controversy: प्रसिद्ध कॉमेडियन आणि अभिनेता सुनील पालने (Sunil Pal) प्रेक्षकांचं कायम मनोरंजन केलं. आपल्या कॉमेडीतून (Comedy) त्यानं प्रेक्षकांना खळखळून हसवलं. ते नेहमी कोणत्या न कोणत्या कारणामुळे चर्चेत असतात. सध्या सुनील पाल एका कार्यक्रमामुळे चर्चेत आहे. त्याचा एका व्हिडीओ सोशल मीडियात व्हायरल झाला आहे. या व्हिडीओत आपण पाह शकतो की, त्याचा अपमान (Sunil Pal Video) करण्यात आला आहे. सुनील पालला एका इव्हेंटमध्ये स्टेजवर बोलावण्यात येते. मात्र, त्याला बोलण्याची कोणतीही संधी देण्यात येत नाही. या प्रकरणावर सुनील पालने प्रतिक्रिया दिली आहे. सुनील पाल नेमकं काय म्हणाला? पाहूयात.
सुनील पाल. हे कॉमेडी विश्वातील सुप्रसिद्ध नाव. त्यानं आपल्या कारकिर्दीत कॉमेडी शोमध्ये सहभाग घेऊन विजेतेपद पटकावलं आहे. त्यानं अलिकडेच मुंबईत पार पडलेल्या एका इव्हेंटमध्ये सहभाग घेतला होता. या इव्हेंटमध्ये त्याचा सन्मान करण्यात आला. याचा व्हिडीओ सोशल मिडियात व्हायरल होत आहे. या व्हिडीओत आपण पाहू शकतो की, सुनील पालला स्टेजवर बोलावण्यात येते. त्याचा पुष्पगुच्छ देऊन सत्कार करण्यात येतो. तेव्हा जो व्यक्ती सुनील पालचा सन्मान करतो, तो त्याला स्टेजवरुन जायला सांगतो.
सुनील पाल माईकवर धन्यवाद बोलण्याचा प्रयत्न करतो, परंतु त्याला रोखलं जातं, तसेच जागेवर बसण्यास सांगितलं जातं. याचा व्हिडीओ सोशल मीडियात व्हायरल होत आहे. नेटकऱ्यांनी संताप व्यक्त केला आहे. या प्रकरणावर सुनील पालनं स्पष्ट शब्दांत प्रतिक्रिया दिली आहे. एका मुलाखीत सुनील पाल म्हणाला, 'मी ज्या इव्हेंटमध्ये गेलो होतो, तो शायरी इव्हेंट होता. मित्राच्या सांगण्यावरुन शायरी इव्हेंटला गेलो होतो. मला तिथे खूप मजा येत होती. मला उपस्थित कवींचे कौतुक करायचे होते. मला त्यांचा सन्मान करायचा होता. परंतु, होस्टने मला माईकच दिलं नाही', असं सुनील पाल म्हणाला.
View this post on Instagram
व्हायरल व्हिडीओत आपण पाहू शकतो की, सुनील पालला स्टेजवर बोलावण्यात येते. पुष्पगुच्छ देत त्याचा सन्मान करण्यात येतो. उपस्थित सर्वांचे आभार व्यक्त करण्यासाठी तो माईक जवळ जातो. परंतु, त्याला जागेवर बसण्यास सांगितले जाते. यामुळे तो शोमधून निघून जातो. सुनील पालने आपल्या मुलाखतीत, त्या क्षणी खूप अस्वस्थ वाटले असल्याचं सांगितलं. 'खरंतर तेव्हा मला खूप अस्वस्थ आणि गोंधळल्यासारखं वाटलं होतं. मी होस्टला वारंवार, प्रेक्षकांना माईकवर धन्यवाद बोलायचे आहे, अशी विनंती केली होती. परंतु, त्याने माईक बाजूला केला. माईकशिवाय मी लोकांचे आभार व्यक्त केले. तसेच होस्टला तुमचे मन खूप लहान आहे, असे म्हटले'.
सुनील पालच्या या व्हिडीओवर विविध प्रतिक्रिया उमटत आहे. सुनील पालसोबत अत्यंत चुकीच घडलं असल्याचं काहींचं म्हणणं आहे.
महत्त्वाच्या इतर बातम्या:
महत्त्वाच्या बातम्या
