Christopher Nolan The Odyssey Advance Booking: 'धुरंधर'ला धोबीपछाड, 3300 रुपयांना विकलं जातंय 'या' फिल्मचं एक तिकीट; अॅडव्हान्स बुकिंगमध्येच भल्याभल्या लोळवलं, कमाईचे सारे रेकॉर्ड मोडीत
Christopher Nolan The Odyssey Advance Booking: ख्रिस्तोफर नोलन यांचा 'द ओडिसी' सिनेमा लवकरच थिएटर्समध्ये प्रदर्शित होणार आहे. देशभरातील IMAX शोसाठी 8 जून रोजी ॲडव्हान्स बुकिंग सुरू झालं आणि तिकिटांचे दर पाहून प्रेक्षक थक्क झालेत.
Christopher Nolan The Odyssey Advance Booking: ख्रिस्तोफर नोलन (Christopher Nolan) एखाद्या सिनेमाच्या मागे हे नाव लागलं की, विषय संपतो. ख्रिस्तोफर नोलन (Director Christopher Nolan) म्हणजे, जगविख्यात ब्रिटिश-अमेरिकन सिनेदिग्दर्शक, निर्माता आणि पटकथा लेखक. 2023 मध्ये आलेला 'ओपनहायमर' (Oppenheimer) सिनेमा तुफान गाजला. त्यापूर्वीही ख्रिस्तोफर नोलनच्या अनेक सिनेमांची जगभरात चर्चा झाली आणि त्यांनी प्रतिष्ठेचा असा ऑस्करही आपल्या नावे केलाय. अशातच आता ख्रिस्तोफर नोलनचा नवा सिनेमा येऊ घातला आहे. पण, रिलीजपूर्वीच या सिनेमाची जगभरात चर्चा रंगली आहे.
ख्रिस्तोफर नोलन यांचा 'द ओडिसी' (The Odyssey) सिनेमा लवकरच थिएटर्समध्ये प्रदर्शित होणार आहे. देशभरातील IMAX शोसाठी 8 जून रोजी ॲडव्हान्स बुकिंग सुरू झालं आणि तिकिटांचे दर पाहून प्रेक्षक थक्क झाले. मुंबई आणि पुण्यातील प्रीमियम सीट्सचे दर 3000 रुपयांपर्यंत होते, तर मुंबईतील काही रात्री उशिराच्या शोसाठी हे दर 3,300 रुपयांपर्यंत पोहोचले होते. यामुळे ही तिकिटं सध्या देशात विकल्या जाणाऱ्या सर्वात महागड्या सिनेमाच्या तिकिटांपैकी एक ठरली आहेत. दर जास्त असूनही मागणीत कोणतीही घट झाली नाही. अनेक शोचे बुकिंग रिलीजपूर्वीच हाऊसफुल्ल झालंय. दरम्यान, विविध शहरांमधील तिकिटांच्या दरांमधील मोठ्या तफावतीवरून ऑनलाईन चर्चा सुरू झाली. एकाच सिनेमाचा अनुभव घेण्याचा खर्च शहर आणि शोच्या वेळेनुसार इतका वेगळा कसा असू शकतो? असा प्रश्न अनेक चाहत्यांनी उपस्थित केलाय.
काही चाहत्यांनी याकडेही लक्ष वेधलंय की, जरी हा सिनेमा पूर्णपणे IMAX कॅमेरे वापरून चित्रित केला गेला असला, तरी भारतातील बहुतेक थिएटर्स तो 'IMAX 70mm' फॉरमॅटमध्ये प्रदर्शित करण्यासाठी सुसज्ज नाहीत, जो फॉरमॅट नोलन याच्या सिनेमां एक प्रमुख वैशिष्ट्य मानला जातो. अॅडव्हान्स बुकिंग सुरू होताच चाहत्यांनी ट्विटरवर आपल्या प्रतिक्रिया व्यक्त करण्यास सुरुवात केली. एका युजरनं लिहिलंय की, "#TheOdyssey साठी भारतातील आतापर्यंतचं सर्वात महाग तिकीट – पुणे IMAX मध्ये 3,000 रुपये. ख्रिस्तोफर नोलन हा इथे एक मोठा ब्रँड आहे!"
एका युजरनं लिहिलंय की, "भारतात The Odyssey ची क्रेज जबरदस्त आहे. तिकीटं काही सेकंदातच विकली गेलीत. असं तेव्हाच होतं, जेव्हा एखादी कास्ट किंवा दिग्दर्शक प्रमोशनसाठी भारतात आला नाही. ही ख्रिस्तोफर नोलनची लेगसी आहे. तिकीटं विकण्यासाठी फक्त त्याचं नावच खूप आहे..." आणखी एका युजरनं लिहिलंय की, "भारतात THE ODYSSEY ची तिकीटं 3 हजार 200 रुपयांसारख्या मोठ्या किमतीला विकण्यात आली आणि सर्वात हैराण करणारी बाब म्हणजे, काहीच मिनिटांमध्ये सोल्ड आऊटही झालीत.... नोलनची क्रेझ जबरदस्त आहे..."
The Odyssey सिनेमात काय दाखवलंय? (Director Christopher Nolan The Odyssey)
ऑस्कर जिंकणारा फिल्ममेकर ख्रिस्तोफर नोलननं लिहिलेली आणि त्यानं दिग्दर्शित केलेली ही फिल्म होमरच्या महाकाव्यावर आधारित आहे. यात इथाकाचा राजा ओडिसियस आणि ट्रॉयच्या पतनानंतर त्यानं मायदेशी परतण्यासाठी केलेल्या धोकादायक प्रवासाची कथा मांडली आहे. मॅट डॅमननं ओडिसियसची भूमिका साकारली आहे, तर टॉम हॉलंड आणि ॲन हॅथवे यांनी अनुक्रमे टेलिमाकस आणि पेनेलोप यांच्या भूमिका केल्या आहेत.
या सिनेमाच्या कलाकारांच्या फळीत जेंड्या, रॉबर्ट पॅटिनसन, लुपिता न्योंगो, चार्लीज थेरॉन आणि जॉन बर्नथल यांचाही समावेश आहे. 'द ओडिसी' (The Odyssey) हा दिग्दर्शक म्हणून नोलन यांचा 13 वा सिनेमा असून, याची निर्मिती एम्मा थॉमस आणि ख्रिस्तोफर नोलन यांनी त्यांच्या 'सिन्कोपी' (Syncopy) या बॅनरखाली केली आहे. हा सिनेमा 17 जुलै रोजी प्रदर्शित होणार आहे.
महत्त्वाच्या इतर बातम्या :
ABP Majha च्या बातम्या LIVE:
महत्त्वाच्या बातम्या
