फक्त 5 मिनिटांच्या रोलसाठी दिलेलं ऑडिशन, दमदार अभिनयामुळे मिळाला लीड रोल; OTT सीरिजनं गाजवले 3 सीझन

Actor Struggle : 5 मिनिटांच्या रोलसाठी ऑडिशन द्यायला आला, पण 2024 मधल्या सर्वात हिट सीरिजचा लीड रोल मिळाला. या अभिनेत्यानं तीन सीझन गाजवले. IMDbनं 9 रेटिंग दिलंय.

Chandan Roy Struggle Life

Source : ABP Majha

Actor Struggle : मुंबई (Mumbai News) म्हणजे, मोहाचं मायाजाल... असं अनेकजण म्हणतात. तरीसुद्धा दररोज म्हटलं तरी देखील अनेकजण आपली स्वप्न पूर्ण करण्यासाठी मुंबईत येतात. काहींची स्वप्न पूर्ण होतात, मात्र काहींच्या नशीबी फक्त वाट पाहाणंच लिहिलेलं असतं. असेच अनेकजण मुंबईत बॉलिवूडमध्ये (Bollywood) नशीब आजमावण्यासाठी येतात. खूप प्रयत्नांनंतर फिल्ममध्ये रोल मिळाला तरीसुद्धा नाम कमावण्यासाठी मात्र स्वतःला पूर्ण झोकून द्यावं लागतं. त्यातल्या त्यात आऊटसायडर्सकडे दुर्लक्ष होत असल्याचा आरोप तर दररोज म्हटलं तरी होत असतोच. या सर्व गदारोळात बिहारच्या एका लहानशा गावातून एक 28 वर्षांचा तरुण हिरो बनण्याचं स्वप्न बाळगून मुंबईला आला होता. NSD मधून शिक्षण घेऊन मीडियाचा कोर्स केल्यानंतरही हा एका चांगल्या भूमिकेच्या प्रतिक्षेत होता. कुठल्या तरी चित्रपटात फक्त 5 मिनिटांचा रोल मिळावा, यासाठी तो काबाडकष्ट करत होता. पण त्याच्या नशिबात वेगळंच काहीतरी लिहिलं होतं. 5 मिनिटांची भूमिका तर याला मिळाली नाही, पण नशीब असं काही पालटलं ती, या पठ्ठ्याला 2024 मधल्या सर्वात हिट सीरिजमध्ये काम करण्याची संधी मिळाली. या तरुणानं तब्बल या सीरिजचे तीन सीझन केले आणि तिनही तेवढेच हिट झाले. 

कोण आहे हा अभिनेता? 

कधीकाळी कामाच्या शोधात वणवण करणाऱ्या या अभिनेत्यानं आपल्या अभिनयाच्या जोरावर सर्वांच्या मनावर छाप सोडली आहे. आम्ही सांगत आहोत, ओटीटी वरच्या सुपरडुपर हिट  'पंचायत' सीरिजमधील अभिनेता चंदन रॉयबाबत. चंदन मूळचा बिहारच्या मनहर गावचा रहिवाशी. चंदन मुंबईत आला आणि डेली सोपमध्ये काम करू लागला. त्याचवेळी चंदनच्या करिअरला 2020 मध्ये खरं वळण मिळालं. 2020 मध्ये चंदनला पंचायतमध्ये काम करण्याची संधी मिळाली. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Chandan Roy (@chandanroy.7)

चंदननं एका मुलाखतीत बोलताना सांगितलं होतं की, तो फक्त एका 5 मिनिटांच्या रोलसाठी ऑडिशन देण्यासाठी आला होता. पंचायतमध्ये चंदननं विकास शुक्ला नावाचं पात्र साकारलं होतं. पण, त्यानं दिलेलं ऑडिशन त्यानं साकारलेल्या भूमिकेसाठी नव्हतंच. ते ऑडिशन फक्त इलेक्ट्रिशियन आणि नवऱ्याच्या भूमिकेसाठी होतं. ज्यांचा रोल फक्त आणि फक्त 5 मिनिटांचाच होता. 

अॅक्टरनं ऑडिशन दिलं भलतंच आणि रोल मिळाला भलताच... 

चंदननं दिलेलं ऑडिशन सर्वांना आवडलं आणि 20 ते 25 दिवसांनी त्याला एक फोन आला. त्यांनी सांगितलं की, त्याची निवड दुसऱ्या भूमिकेसाठी झाली आहे आणि ही भूमिका विकास शुक्लाची आहे. आज पंचायतमधील प्रत्येक पात्राप्रमाणेच विकास शुक्लाचं पात्रही प्रसिद्ध आहे. दरम्यान, पंचायतचे तीन सीझन आले आणि 2024 मध्ये पंचायत 3 ही सर्वाधिक पाहिली गेलेली सीरिज ठरली. IMDb नं या सीरिजला 9 रेटिंग दिलं आहे.

महत्त्वाच्या इतर बातम्या :