Tunisha Sharma Death : ब्रेकअपनंतर 15 दिवसांत नेमकं काय घडलं? 'या' कारणाने तुनिषा शर्माने संपवलं आयुष्य
Tunisha Sharma : तुनिषाच्या आत्महत्येआधी तिचा बॉयफ्रेंड शिझान मोहम्मद खानसोबत ब्रेकअप झाला होता.
Tunisha Sharma Death Case : अभिनेत्री तुनिषा शर्मा (Tunisha Sharma) आत्महत्या प्रकरण (Tunisha Sharma Death Case) सध्या चर्चेत आहे. गेल्या दोन दिवसांपासून या प्रकरणासंबंधित नव-नवे अपडेट समोर येत आहेत. तुनिषा गेल्या काही दिवसांपासून अभिनेता, सहकलाकार शिझान खानसोबत (Sheezan Khan) रिलेशनमध्ये होती. पण आत्महत्येच्या 15 दिवसांपूर्वीच त्यांचा ब्रेकअप झाला होता. या 15 दिवसांत नेमकं काय घडलं याचा पोलीस सध्या तपास करत आहेत.
वसई पोलिसांनी दिलेल्या माहितीनुसार, तुनिषा शर्मा आत्महत्या प्रकरणी आतापर्यंत 14 लोकांचे जबाब नोंदवण्यात आले आहेत. शनिवारी सकाळी तुनिषा घरातून आनंदात निघाली होती. पहिल्या शिफ्टचे शूटिंग संपल्यानंतर शिझान आणि तुनिषाने दुपारी तीन वाजता मेकअप रुममध्ये एकत्र जेवण केलं होतं. त्यानंतर लगेचच 3.15 च्या सुमारास तुनिषाने आत्महत्या केली. त्यामुळे आता पोलिसांनी तुनिषा आणि शिझान दोघांचेही मोबाईन फॉरेन्सिक लॅबमध्ये पाठवले आहेत. जेणेकरून 15 दिवसांत नेमकं काय घडलं ज्यामुळे तुनिषाने आत्महत्येचा पर्याय निवडला हे समोर येईल.
तुनिषाच्या आईने पोलिसांना दिलेल्या माहितीनुसार, सहा महिन्यांपूर्वी तुनिषा तिच्या शिझानसोबतच्या रिलेशनबद्दल खूप आनंदी होती. पण 15 दिवसांपूर्वी शिझानसोबत ब्रेकअप झाल्यानंतर ती डिप्रेशनमध्ये गेली होती. शिझानच तुनिषाच्या मृत्यूला जबाबदार आहे.
गेल्या काही दिवसांपूर्वी तुनिषाला रुग्णलयात नेण्यात आले होते. त्यावेळी डॉक्टरांनी तिच्या कुटुंबियांनी तिची विशेष काळजी घेण्याचा सल्ला दिला होता. आता मेकअप रुममध्ये नक्की काय घडलं याचा पोलीस तपास घेत आहेत. त्यासाठी ते मालिकेसंबंधित अनेकांचे जबाब नोंदवत आहेत.
शिझानने सांगितलं ब्रेकअपचं कारण (Shizan told the reason of the Breakup) :
पोलिसांना दिलेल्या जबाबात शिझान म्हणाला,"मी आणि तुनिषा रिलेशनमध्ये होतो हे खरं आहे. पण आमची जात-धर्म वेगळा होता, आमच्या वयात खूप अंतर होतं. त्यामुळे मी तुनिषासोबतचं नातं संपवलं. पण या गोष्टीवर अद्याप पोलिसांचा विश्वास बसलेला नाही. दुसरीकडे तुनिषाच्या कुटुंबियांनी शिझानचे अनेक मुलींसोबत संबंध होते असे म्हटले आहे. त्यामुळे आता या आरोपांपासून बचाव करण्यासाठी शिझान जात, धर्म आणि वयाचं कारण देत आहे असा अंदाज वर्तवला जात आहे.
संबंधित बातम्या
Sheezan Khan : तुनिषा शर्माच्या आत्महत्येचं कारण ठरणारा शिझान खान कोण आहे? जाणून घ्या...
महत्त्वाच्या बातम्या
ट्रेंडिंग न्यूज
