TJMM Box Office Collection: 'तू झूठी मैं मक्कार'ची बॉक्स ऑफिसवर जादू कायम; सात दिवसात केली एवढी कमाई

जाणून घ्या 'तू झूठी मैं मक्कार' (Tu Jhooti Main Makkaar) चित्रपटाचं सातव्या दिवसाचं कलेक्शन....

Tu Jhooti Main Makkaar

Source : Instagram

TJMM Box Office Collection Day 7: हिंदी चित्रपटांना गेल्या काही दिवसात प्रेक्षकांचा चांगला प्रतिसाद मिळत असल्याचं पहायला मिळत आहे. शाहरुख खानच्या पठाण या चित्रपटाने बॉक्स ऑफिसवर रेकॉर्ड ब्रेक कमाई केली. आता अभिनेता रणबीर कपूर (Ranbir Kapoor) आणि अभिनेत्री श्रद्धा कपूर (Shraddha Kapoor) यांचा 'तू झूठी मैं मक्कार' (Tu Jhooti Main Makkaar) हा चित्रपट प्रेक्षकांच्या भेटीस आला आहे. हा चित्रपट 8 मार्च रोजी प्रदर्शित झाला. या चित्रपटातील श्रद्धा आणि रणबीरच्या केमिस्ट्रीला प्रेक्षकांची पसंती मिळत आहे. काल (14 मार्च) या चित्रपटाने कोट्यवधींची कमाई केली. जाणून घेऊयात या चित्रपटाचं सतव्या दिवसाचं कलेक्शन....

सात दिवसात केली कोट्यवधींची कमाई 

शाहरुखच्या पठाणनंतर 'तू झूठी मैं मक्कार' (Tu Jhooti Main Makkaar Box Office Collection) हा हिट ठरणारा 2023 मधील दुसरा चित्रपट आहे. पाच दिवस या चित्रपटाने बॉक्स ऑफिसवर धुमाकूळ घातला. त्यानंतर सहाव्या दिवशी या चित्रपटाच्या कमाईत घट झाली. आता या चित्रपटाच्या कमाईत सातव्या दिवशी वाढ झाली आहे. सहा दिवसांमध्ये या चित्रपटाने 76.24 कोटींची कमाई केली आहे. आता सातव्या दिवशी म्हणजेच 14 मार्चला 'तू झूठी मैं मक्कार' या चित्रपटाने 6.05 कोटींची कमाई केली. या चित्रपटाने सात दिवसात 82.34 कोटींचे कलेक्शन केलं आहे. 

100 कोटींच्या क्लबमध्ये सामील होणार 'तू झूठी मैं मक्कार' ? 

'तू झूठी मैं मक्कार' या चित्रपटाने सात दिवसात 82.34 कोटींचे कलेक्शन केलं. त्यामुळे आता हा चित्रपट 100 कोटींच्या क्लबमध्ये सामील होईल की नाही? याकडे अनेकांचे लक्ष लागले आहे.

तगडी स्टारकास्ट

'तू झूठी मैं मक्कार' या चित्रपटात रणबीर आणि श्रद्धा यांच्यासोबतच अनुभव सिंह बस्सी, डिंपल कपाडिया यांनी देखील प्रमुख भूमिका साकारली आहे. या चित्रपटाच्या माध्यामातून बोनी कपूर यांनी अभिनयात पदार्पण केलं. सिनेमागृहात धुमाकूळ घातल्यानंतर 'तू झूठी मैं मक्कार' हा सिनेमा ओटीटी प्लॅटफॉर्मवर रिलीज होणार आहे. लवकरच हा सिनेमा नेटफ्लिक्स या ओटीटी प्लॅटफॉर्मवर रिलीज करण्यात येणार आहे, असं म्हटलं जात आहे. 

लव्ह रंजन लिखित आणि दिग्दर्शित 'तू झूठी मैं मक्कार' या चित्रपटाची निर्मिती लव्ह फिल्म्स आणि टी-सीरीज फिल्म्स यांनी केली आहे.

वाचा इतर महत्वाच्या बातम्या: